ଅଭିନେତାଙ୍କ ମହାନତା
ବଲିଉଡ୍ର ସୋନୁ ସୁଦ୍ ଏବଂ ଓଲିଉଡ୍ର ସବ୍ୟସାଚୀ ମିଶ୍ରଙ୍କ ପରି ଓଡ଼ିଆ ଟେଲିଭିଜନ ଇଣ୍ଡଷ୍ଟ୍ରିର ଋଷି ପଟ୍ଟନାୟକ କରୋନା ମହାମାରୀ ସମୟରେ ଏତେଟା ପ୍ରଚାର ପ୍ରସାର ପରିସରକୁ ଆସିପାରିନାହାନ୍ତି। ସେ ଭୁବନେଶ୍ୱର ତଥା ଆଖପାଖର ଲୋକମାନଙ୍କ ପାଇଁ ଏକ ଜଣିକିଆ ହେଲ୍ପଲାଇନ ସେବା ଆରମ୍ଭ କରିଛନ୍ତି। କରୋନା ଚିକିତ୍ସା ପାଇଁ ଭୁବନେଶ୍ୱରକୁ ଆସୁଥିବା ଏପର୍ଯ୍ୟନ୍ତ ପ୍ରାୟ ୩୦୦ ରୁ ଅଧିକ ପରିବାରକୁ ସେ ସାହାଯ୍ୟ କରିସାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଲୋକମାନେ ବର୍ତ୍ତମାନ ଆମ୍ବୁଲାନ୍ସ, ଡାକ୍ତରଖାନାରେ ଭର୍ତ୍ତି, ଡାକ୍ତରଙ୍କ ପରାମର୍ଶ ଏବଂ ଅମ୍ଳଜାନ ପାଇଁ ନିବେଦନ କରୁଛନ୍ତି। ଏହି ଅଭାବନୀୟ ପରିସ୍ଥିତିରେ ଅଭିନେତା ତଥା ସାମାଜିକ କର୍ମୀ ଋଷି ପଟ୍ଟନାୟକ ଅନେକଙ୍କୁ ସାହାଯ୍ୟ କରିଛନ୍ତି। ଲୋକଙ୍କ ଭିତରେ ସଚେତନତା ସୃଷ୍ଟି ପାଇଁ ଋଷି ପୋଲିସ, ସ୍କାଉଟ୍ ଏବଂ ଗାଇଡ୍, ଏନଏସଏସ, ରେଡକ୍ରସ୍ ଏବଂ କମ୍ୟୁନିଟି ରେଡିଓ ଷ୍ଟେସନକୁ ସାହାଯ୍ୟ କରିବାକୁ ମଧ୍ୟ ପ୍ରସ୍ତୁତ ଅଛନ୍ତି।