ମୁମ୍ବାଇ: ଶାହରୁଖ୍‌ଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ପଠାନ୍’ ବିଶ୍ବ ସ୍ତରରେ ୯୦୦ କୋଟି ଟଙ୍କା ଆୟ କରି ସାରିଥିବା ବେଳେ ଭାରତରେ ଏହା ୫୦୦ କୋଟି ଟଙ୍କାର ବେପାର ପାର୍‌ କରି ସାରିଲାଣି।   କେବଳ ହିନ୍ଦୀ ଭାଷାରେ ‘ପଠାନ୍’ ୪୭୫ କୋଟି ଟଙ୍କା ରୋଜଗାର କରି ସାରିଲେଣି। ଅନ୍ୟ ସମସ୍ତ ଭାଷାରେ ୪୯୨ କୋଟି ଟଙ୍କା ଆୟ କରିଛି ‘ପଠାନ’। ‘ପଠାନ’ର ସଫଳତାକୁ ନେଇ ଶାହରୁଖ ଚର୍ଚ୍ଚାରେ ଥିବା ବେଳେ ତାଙ୍କ ପ୍ରଶଂସକମାନେ ବି ଖୁସିରେ ଝୁମି ଯାଉଛନ୍ତି।

Advertisment

ଏହି କ୍ରମରେ କିଙ୍ଗଖାନ ଭାଲେଣ୍ଟାଇନ୍‌ ଡେ’ ଅବସରରେ ସୋସିଆଲ ମିଡିଆ ପ୍ଲାଟଫର୍ମ ଟୁଇଟ୍‌ରରେ ତାଙ୍କ ପ୍ରଶଂସକଙ୍କ ପାଇଁ ଆସ୍କ ଏସ୍‌ଆର୍‌କେ(#AskSRK)ସେସନ ରଖିଛନ୍ତି। ଏହି ସେସନରେ ପ୍ରଶଂସକମାନେ ପଚାରୁଥିବା ପ୍ରଶ୍ନର ଶାହରୁଖ ମନଖୋଲି ଉତ୍ତର ସିଧାସଳଖ ଦେଇଥାଆନ୍ତି।

ଏହି ସେସନ ଚାଲିଥିବା ବେଳେ ଶାହରୁଖଙ୍କ ଜଣେ ପ୍ରଶଂସକ କ୍ରିକେଟର ବିରାଟ କୋହଲି ଓ ରବୀନ୍ଦ୍ର ଜାଡେଜା ‘ପଠାନ’ ଗୀତରେ ନୃତ୍ୟ କରୁଥିବାର ଭିଡିଓ ସେୟାର କରିଥିଲେ। ଏହି ଭିଡିଓ ସେୟାର କରି ପ୍ରଶଂସକ ଶାହରୁଖଙ୍କୁ ପଚାରିଥିଲେ, ‘ପଠାନ’ ନୃତ୍ୟକୁ ନେଇ କିଛି କହିବେ।’

ଏ ପ୍ରସଙ୍ଗରେ ଶାହରୁଖ କହିଥିଲେ, ‘ ଏ ଦୁହେଁ ତ ମୋ ଠାରୁ ଭଲ ନୃତ୍ୟ କରୁଛନ୍ତି। ବିରାଟ ଓ ଜାଡେଜାଙ୍କ ଠାରୁ କିଛି ଶିଖିବା ଦରକାର।’

ବିରାଟ ଓ ଜାଡେଜାଙ୍କ ଏହି ନୃତ୍ୟ ଭିଡିଓ ଭାରତ ଓ ଅ‌ଷ୍ଟ୍ରେଲିଆ ମଧ୍ୟରେ ଖେଳା ଯାଇଥିବା ଟେଷ୍ଟ ମ୍ୟାଚ ସମୟର ରହିଛି। ମ୍ୟାଚର ବ୍ରେକ ସମୟରେ ପଡ଼ିଆରେ ବିରାଟ ଓ ଜାଡେଜା କରିଥିବା ଏହି ନୃତ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।