ଆମେରିକାରେ ଦେଶୀ ଅନ୍ଦାଜରେ ଦୀପାବଳି ପାଳନ କଲେ ନିକ୍ୟାଙ୍କା
ମୁମ୍ବାଇ : ବିବାହ ପରେ ଆମେରିକାରେ ରହିବାକୁ ଚାଲି ଯାଇଥିଲେ ମଧ୍ୟ ଭାରତ ଓ ତା’ର ପରମ୍ପରାକୁ ଭୁଲି ନାହାନ୍ତି ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା । ଆମେରିକୀୟ କଣ୍ଠଶିଳ୍ପୀ ନିକ୍ ଜୋନସଙ୍କୁ ବିବାହ କରିବା ପରେ ଏବେ ସେ ଆମେରିକାରେ ତାଙ୍କ ସହ ରହୁଛନ୍ତି । କିନ୍ତୁ ସବୁ ସମୟରେ ସେ ଭାରତର ପ୍ରତିଟି ପର୍ବପର୍ବାଣୀକୁ ଖୁସିର ସହ ପାଳନ କରୁଥିବା ଦେଖାଯାଇଛି । ପୂର୍ବରୁ ତାଙ୍କର ଅନେକ ଝଲକ ସାମ୍ନାକୁ ଆସିଥିବା ବେଳେ ଏବେ ସେ ନିଜ ସ୍ୱାମୀ ନିକ୍ଙ୍କ ସହ ଦୀପାବଳି ପାଳନ କରିଥିବା ଜଣା ପଡ଼ିଛି । ନିକ୍ଙ୍କୁ ବିବାହ କରିବା ପରେ ଏହା ଦୁହିଁଙ୍କର ପ୍ରଥମ ଦୀପାବଳି । ଯାହାକୁ ଦୁହେଁ ଖୁବ୍ ଧୁମ୍ଧାମ୍ରେ ପାଳନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପ୍ରିୟଙ୍କା ନିଜ ଇନ୍ଷ୍ଟା ଆକାଉଣ୍ଟରେ ଦୀପାବଳି ପାଳନର ଫଟୋ ସେୟାର କରିବା ପରେ ଫଟୋଟି ଏବେ ଲୋକପ୍ରିୟ ହେବାରେ ଲାଗିଛି । ଫଟୋ ସେୟାର କରି ସେ ନିଜର ପ୍ରଶଂସକଙ୍କୁ ଦୀପାବଳିର ଶୁଭେଚ୍ଛା ଜଣାଇଛନ୍ତି ।