ମୁମ୍ବାଇ: ’ୟେ ରିସ୍ତା କ୍ୟା କେହଲାତା ହୈ’ର ‌ଫେମ ଅକ୍ଷରା ଚରିତ୍ରରେ ଅଭିନୟ କରିଥିବା ହିନା ଖାନଙ୍କ ପାଇଁ ପରିଚୟର ଆବଶ୍ୟକତା ହୋଇ ନଥାଏ। ସେ ଏହି ଧାରାବାହିକ ମାଧ୍ୟମରେ ଲୋକଙ୍କ ହୃଦୟରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି। 

Advertisment

ହିନା କିଛିବର୍ଷ ହେବ କର୍କଟ ସହିତ ସଂଘର୍ଷ କରୁଥିବା ଖବର କ୍ରମାଗତ ଭାବେ ଅସୁଥିବା ବେଳେ ଗତକାଲି ଅଭିନେତ୍ରୀଙ୍କ ସହିତ ଜଡ଼ିତ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। କର୍କଟ ରୋଗ ସହିତ ଲଢ଼ୁଥିବା ସମୟରେ ହିନା ତାଙ୍କ ପ୍ରେମିକ ରକିଙ୍କ ବହୁତ ପ୍ରଶଂସା କରିଥିଲେ।  ସମ୍ପ୍ରତି ହିନା ତାଙ୍କ ଦୀର୍ଘକାଳୀନ ପ୍ରେମିକ ରକିଙ୍କୁ ବିବାହ କରିଛନ୍ତି। ଦୁହିଁଙ୍କ ବିବାହ ସମୟର ଫଟୋ ସୋସିଆଲ ମିଡିଆରେ ଘୁରି ବୁଲୁଛି। ଯାହାକୁ ଦର୍ଶକ ବେଶ ଭଲପାଇବା ଦେଉଛନ୍ତି।

ସାଧାରଣତଃ ବିବାହ ପରେ ଷ୍ଟାରମାନେ ଜୀବନସାଥୀଙ୍କ ସହିତ ସମୟ ବିତାଇବା ପାଇଁ କିଛିଦିନପାଇଁ କାମରୁ ବିରତି ନେଇଥାଆନ୍ତି। କିନ୍ତୁ ଏହା ହିନାଙ୍କ କ୍ଷେତ୍ରରେ ଦେଖିବାକୁ ମିଳି ନଥିଲା। ସେ ବିବାହ ପରଦିନ ହିଁ କାମକୁ ଫେରିଆସିଛନ୍ତି।

ବିବାହ ପରେ କୋରିଆନ୍ ଏକ୍ସପୋ କାର୍ଯ୍ୟକ୍ରମରେ ଯୋଗଦେବାର ଫଟୋ ମଧ୍ୟ ହିନାଙ୍କ ଇଣ୍ଟରନେଟରେ ଭାଇରାଲ ହେବାରେ ଲାଗିଛି। ଏହି କାର୍ଯ୍ୟକ୍ରମରେ ହିନାଙ୍କୁ ସାମିଲ ହେବା ଦେଖି ସେଠାରେ ଉପସ୍ଥିତ ଥିବା ଦର୍ଶକ ଖୁସି ଏବଂ ଆଶ୍ଚର୍ଯ୍ୟ ଉଭୟ ଅନୁଭବ କରିଥିଲେ।