ଅମିତାଭ ବଚ୍ଚନ ଓ ଶାହରୁଖ୍ ଖାନଙ୍କ ଏହି ହୋଲି ଦୃଶ୍ୟକୁ ଭୁଲି ପାରିବେନି ସିନେପ୍ରେମୀ
ମୁମ୍ବାଇ: ରଙ୍ଗର ଉତ୍ସବ ହେଉଛି ‘ହୋଲି’। ବଡ଼ ପରଦାରେ ବି ନିର୍ଦେଶକମାନେ ହୋଲିର ମାହୋଲ୍ ତିଆରି କରି ଦର୍ଶକଙ୍କର ମନୋରଞ୍ଜନ କରିବାରେ ସଫଳ ହୋଇଛନ୍ତି । କେତେବେଳେ ନାୟକ-ନାୟିକାଙ୍କ ପ୍ରେମକୁ ଦେଖାଇବା ଲାଗି ଫିଲ୍ମରେ ହୋଲି ଦୃଶ୍ୟ ରଖାଯାଇଛି ତ, ପୁଣି କେତେବେଳେ ହୋଲି ସମୟରେ ଖଳନାୟକଙ୍କର କାରନାମା ଦେଖାଇଛନ୍ତି ।
ଏହି କ୍ରମରେ ଜଣାଶୁଣା ନିର୍ମାତା-ନିର୍ଦେଶକ ଆଦିତ୍ୟ ଚୋପ୍ରାଙ୍କ ସୁପରହିଟ୍ ଫିଲ୍ମ ‘ମୋହବତେଁ’ରେ ଅମିତାଭ ବଚ୍ଚନଙ୍କ ମୁଣ୍ଡରେ ଶାହରୁଖ୍ ଖାନ୍ ହୋଲିର ଫଗୁ ଦେଉଥିବା ଏକ ଅତ୍ୟନ୍ତ ଭାବପ୍ରବଣାତ୍ମକ ଦୃଶ୍ୟ ବୋଲି ବିବେଚନା କରାଯାଏ । କାହାଣୀ ଅନୁଯାୟୀ ଖୁବ୍ ଶୃଙ୍ଖଳିତ ଅମିତାଭ ବଚ୍ଚନ ତାଙ୍କର ଗୁରୁକୁଳରେ ପିଲାମାନଙ୍କୁ ହୋଲି ପାଇଁ କୌଣସି ବର୍ଷ ଅନୁମତି ଦିଅନ୍ତି ନାହିଁ । ହେଲେ ଯେତେବେଳେ ଶାହରୁଖ୍ ପିଲାମାନଙ୍କର ଇଚ୍ଛା ଯେ ସେମାନେ ଏଥର ହୋଲି ମନାଇବେ ବୋଲି ଅମିତାଭଙ୍କୁ କହିଥିଲେ, ସେତେବେଳେ ବିଗ୍ ବି ଉତକ୍ଷିପ୍ତ ହୋଇ କହିଥିଲେ ଯେ, ଯେଉଁମାନଙ୍କର ଇଚ୍ଛା, ସେମାନେ ଗୁରୁକୁଳ ବାହାରେ ଯାଇ ହୋଲି ଖେଳିପାରିବେ । କିନ୍ତୁ ଶାହରୁଖଙ୍କ ହାତରୁ ଫଗୁ ନେଇ ‘ହୋଲି’ର ମର୍ଯ୍ୟାଦାକୁ ସମ୍ମାନ ଦେଇଥିଲେ ଅମିତାଭ ବଚ୍ଚନ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଏହି ସିନେମାରେ ଅମିତାଭ ବଚ୍ଚନ, ଶାହରୁଖ୍ ଖାନଙ୍କ ବ୍ୟତୀତ ଐଶ୍ବର୍ଯ୍ୟା ରାୟ, ଜିମ୍ମି ଶେରଗିଲ୍,ଯୁଗଳ ହଂସରାଜ, ଉଦୟ ଚୋପ୍ରା, ସମିତା ସେଟ୍ଟି, ପ୍ରୀତି ଜାଙ୍ଗିଆନୀ ଓ କିମ୍ ଶର୍ମା ପ୍ରମୁଖ ଅଭିନୟ କରିଥିଲେ। ଯତିନ-ଲଳିତ ଏହାର ସଙ୍ଗୀତ ନିର୍ଦେଶକ।