‘ଉରି’ରେ ଗୃହ ମନ୍ତ୍ରୀ ଭୂମିକା ନିଭାଇଥିବା ନଭତେଜ୍ ଆଉନାହାନ୍ତି
ନୂଆଦିଲ୍ଲୀ: ‘ଉରି’ ଚଳଚ୍ଚିତ୍ରରେ ଗୃହ ମନ୍ତ୍ରୀ ଭୂମିକାରେ ନଜର ଆସି ଦର୍ଶକଙ୍କ ମନ କିଣିଥିବା ଅଭିନେତା ନଭତେଜ୍ ହୁଣ୍ଡଲ୍ ଆଉ ନାହାନ୍ତି। ଏପ୍ରିଲ୍ ୮ ତାରିଖ ସୋମବାର ନଭତେଜ୍ ତାଙ୍କର ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କ ମୃତ୍ୟୁର କାରଣ ଏପର୍ଯ୍ୟନ୍ତ ଜଣା ପଡ଼ିନାହିଁ।
Sambad is now on WhatsApp
Join and get latest news updates delivered to you via WhatsApp
ତାଙ୍କୁ ଶେଷ ଥର ପାଇଁ ଭିକି କୌଶଲଙ୍କ ‘ଉରି’ ଚଳଚ୍ଚିତ୍ରରେ ଦେଖିବାକୁ ପାଇଥିଲେ ଦର୍ଶକ। ନଭତେଜଙ୍କ ଘରେ ତାଙ୍କ ପତ୍ନୀ ଓ ଦୁଇ ଝିଅ ଅଛନ୍ତି। ନଭତାଜଙ୍କ ଏକ ଝିଅ ଅବନ୍ତିକା ହୁଣ୍ଡାଲ ଏକ୍ତା କପୁରଙ୍କ ‘ୟେ ହେ ମହବତେଁ’ ଧାରାବାହିକରେ ମିହିକା ଭୂମିକା ନିଭାଇଥିଲେ।
ନଭତାଜଙ୍କ ପରଲୋକରେ ସିନେମା ଏବଂ ଟେଲିଭିଜନ ଦୁନିଆ ଶୋକ ପାଳନ କରିଛି। ସେ ଅନେକ ଭଲିଉଡ୍ ଚଳଚ୍ଚିତ୍ର ଓ ଧାରାବାହିକରେ ପୂର୍ବରୁ ଅଭିନୟ କରି ସାରିଛନ୍ତି। ସେ ଭାରତ ଏକ୍ ଖୋଜ୍ ଟେଲିଭିଜନ ସିରିଜ୍, ସଞ୍ଜୟ ଦତ୍ତଙ୍କ ଅଭିନୀତ ‘ଖଳନାୟକ’, ‘ ଟେଲିଭିଜନ ଚଳଚ୍ଚିତ୍ର ‘କାନୁନ’ ଆଦିରେ ନଜର ଆସି ଦର୍ଶକଙ୍କ ମନ ଜିଣି ପାରିଥିଲେ।