ବିବାହ ବିଚ୍ଛେଦ ହେବା ପରେ ମଧ୍ୟ ଏହି କାରଣ ପାଇଁ ସୁଜାନେଙ୍କ ସହ ସମୟ ବିତାଉଛନ୍ତି ରିତିକ୍
ମୁମ୍ବାଇ : ବଲିଉଡ୍ ଅଭିନେତା ରିତିକ୍ ରୋଶନ ପତ୍ନୀ ସୁଜାନେଙ୍କଠାରୁ ଅଲଗା ହେବା ପରେ ମଧ୍ୟ ତାଙ୍କ ସହ ବନ୍ଧୁତାର ସଂପର୍କ ରଖିଥିବା ଅନେକ ସମୟରେ ଦେଖାଯାଇଛି । ଅନ୍ୟ ସ୍ୱାମୀ-ସ୍ତ୍ରୀଙ୍କ ଭଳି ପରସ୍ପର ବିରୋଧରେ କହିବା ପରିବର୍ତ୍ତେ ଦୁହେଁ ସବୁ ପରିସ୍ଥିତିରେ ପରସ୍ପରର ସମର୍ଥନ କରୁଥିବା ଦେଖାଯାଇଛି । ଏମିତି କି ଫ୍ରେଣ୍ଡସିପ୍ ଡ଼େ’ରେ ମଧ୍ୟ ଦୁହେଁ ସାଥୀରେ ନଜର ଆସିଥିଲେ । ତେବେ ପରସ୍ପରଠାରୁ ଅଲଗା ହେବା ପରେ ମଧ୍ୟ ରିତିକ୍ କ’ଣ ପାଇଁ ସୁଜାନେଙ୍କ ସହ ସମୟ ବିତାଉଛନ୍ତି, ତାହା ଏବେ ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ରିତିକ୍ କହିଛନ୍ତି, ବିବାହ ବିଚ୍ଛେଦ ପରେ ମୁଁ କ’ଣ ପାଇଁ ସୁଜାନେଙ୍କ ସହ ଯୋଡ଼ି ହୋଇ ରହିଛି ବୋଲି ଲୋକେ ଅନେକ ସମୟରେ ପଚାରିଥାନ୍ତି । କିନ୍ତୁ ସେମାନଙ୍କୁ ବୁଝିବା ଦରକାର କି ଆମେ ଏବେ ବି ଏକ ପରିବାର ଭଳି ଚଳୁଛୁ । ମୁଁ ବାପା ହିସାବରେ ଦୁଇଟି ପୁଅକୁ ବଡ଼ କରୁଛି । ସେମାନେ ଜାଣିବା ଦରକାର କି ତାଙ୍କ ମା’ଙ୍କୁ ଦରକାର ଥିବା ଭଲପାଇବା ଓ ସମ୍ମାନ ଉଭୟ ଠିକ୍ ଭାବରେ ମିଳୁଛି । ସେମାନେ ବୁଝିବା ଦରକାର କି, ଦୁଇ ଜଣ ଲୋକ ଅଲଗା ହୋଇ ମଧ୍ୟ ଗୋଟେ ପରିବାର ଭାବରେ ରହି ପାରିବେ ।