ନୂଆଦିଲ୍ଲୀ: ଅଭିନେତ୍ରୀ ଇଲିୟାନା ଡିକ୍ରୁଜ ମା’ ହୋଇଛନ୍ତି। ସେ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ଇଲିୟାନ‌ା ଡିକ୍ରୁଜ ସୋସିଆଲ ମିଡିଆରେ ପୁଅର ଫଟୋ ସହିତ ନାମ ବି ଘୋଷଣା କରିଛନ୍ତି। ଇଲିୟାନାଙ୍କ ପୁଅର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ଇଲିୟାନା ପୁଅର ନାମ କୋଆ ଫିନିକ୍ସ ଡୋଲନ ରଖିଛନ୍ତି।

Advertisment

ଇଲିୟାନା ସୋସିଆଲ ମିଡିଆରେ ପୁଅର ଫଟୋ ସେୟାର କରିବା ସହିତ କ୍ୟାପସନରେ ଲେଖିଛନ୍ତି, ‘ମୁଁ ମୋ ପୁଅର ସ୍ବାଗତ କରିବା ପାଇଁ କେତେ ଖୁସି ଅଛି, ତାହା ଶବ୍ଦରେ କହି ପାରିବି ନାହିଁ। ମୋର ହୃଦୟ ଭରି ଯାଇଛି।

‌ଯେବେ ଠାରୁ ଇଲିୟାନା ଗର୍ଭବତୀ ହେବାର ଖବର ସାମ୍ନାକୁ ଆସିଛି, ସେହିଦିନ ଠାରୁ ଅଭିନେତ୍ରୀ ସୋସିଆଲ ମିଡିଆରେ ଖୁବ ସକ୍ରିୟ ହୋଇଯାଇଛନ୍ତି। ସେ ନିଜର ବେବି ବମ୍ପ ଠାରୁ ଆରମ୍ଭ କରି ଅନ୍ତସତ୍ତ୍ବା ସମୟରେ ସାମ୍ନା କରୁଥିବା ଅସୁବିଧା ଓ ଖୁସିକୁ ତାଙ୍କ ଫ୍ୟାନ୍ସଙ୍କ ସହିତ ସେୟାର କରୁଛନ୍ତି। ଫ୍ୟାନ୍ସ ବି  ତାଙ୍କ ପ୍ରିୟ ଅଭିନେତ୍ରୀ ମା’ ହେବା ଜାଣିବା ପରେ ତାଙ୍କ ପାଖକୁ ଶୁଭେଚ୍ଛା ବାର୍ତ୍ତା ପଠାଉଛନ୍ତି। ପୁଅକୁ ଏଦୁନିଆକୁ ସ୍ବାଗତ ବୋଲି ଇଲିୟାନାଙ୍କ ପ୍ରଶଂସକମାନେ ସୋସିଆଲ ମିଡିଆରେ ପ୍ରତିକ୍ରିୟା ଦେଇଛନ୍ତି।

ଏଥିସହିତ କୋଆଙ୍କ ବାପା କିଏ ତାହାକୁ ନେଇ ଅନେକ ଦ୍ବନ୍ଦ୍ବ ରହିଥିଲା। କିନ୍ତୁ ଅଭିନେତ୍ରୀ ଏହି ଦ୍ବନ୍ଦ୍ବ ଉପରେ ମୋହର ଲଗାଇଥିଲେ। ଅର୍ଥାତ କୋଆର ବାପା କିଏ ତାଙ୍କର ଫଟୋ ସେୟାର କରିଥିଲେ ଇଲିୟାନା। ପ୍ରକାଶିତ ରିପୋର୍ଟ ମୁତାବକ, ଇଲିୟାନାଙ୍କ ନିର୍ବନ୍ଧ ହୋଇଛି। କିନ୍ତୁ ବିବାହ ହୋଇନାହିଁ। ସେ ଅଗଷ୍ଟ ୧ ତାରିଖରେ ପୁଅକୁ ଜନ୍ମ ଦେଇଥିବା ପୋଷ୍ଟରେ ସେୟାର କରିଛନ୍ତି।