ନୂଆଦିଲ୍ଲୀ: ଏଇ କିଛି ବର୍ଷ ହେବ ଫିଲ୍ମ ଅପେକ୍ଷା ନିଜର ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଭିନେତ୍ରୀ ଇଲିଆନା ଡି’କ୍ରୁଜ୍‌ । କିଛି ଦିନ ତଳେ ଇଲିଆନା ନିଜ ପ୍ରେମିକଙ୍କଠାରୁ ଅଲଗା ହୋଇ ଯାଇଥିବା ନେଇ ଚର୍ଚ୍ଚା ଜୋର୍‌ ଧରିଥିବା ବେଳେ ପରେ ସେ ବଲିଉଡ ଅଭିନେତ୍ରୀ କଟ୍ରିନା କୈଫଙ୍କ ଭାଇଙ୍କୁ ଡେଟ କରୁଥିବା ନେଇ ଚର୍ଚ୍ଚା ହୋଇଥିଲା। ହେଲେ ଏବେ ତାଙ୍କ ପେସାଦାର ଜୀବନକୁ ନେଇ ଏକ ବଡ଼ ଅପଡେଟ ସାମ୍ନାକୁ ଆସିଛି। କୁହାଯାଉଛି ଯେ ତାମିଲ ଫିଲ୍ମ ଇଣ୍ଡଷ୍ଟ୍ରିକୁ ଇଲିଆନାଙ୍କ ଏଣ୍ଟ୍ରି ବନ୍ଦ କରିଦିଆଯାଇଛି।

Advertisment

ଯଦି ତାମିଲ ନ୍ୟୁଜ୍ ପୋର୍ଟାଲରେ ଚର୍ଚ୍ଚାର ବିଷୟ ପାଲଟିଥିବା ଖବରକୁ ବିଶ୍ବାସ କରାଯାଏ, ତେବେ ତାମିଲ ନିର୍ମାତାଙ୍କ ଦ୍ୱାରା ଦିଆଯାଇଥିବା ଅଭିଯୋଗକୁ ଭିତ୍ତି କରି ଏହି ନିଷେଧାଦେଶ ଲାଗୁ କରାଯାଇଛି। ଅଭିନେତ୍ରୀ ଏକ ଫିଲ୍ମ ପାଇଁ ଅଗ୍ରୀମ ଦେୟ ନେବା ପରେ ବି ସୁଟିଂରେ ଭାଗ ନେଇ ନଥିଲେ। ଏହାଦ୍ୱାରା ନିର୍ମାତାମାନେ ବହୁ କ୍ଷତି ସହିଥିଲେ ଯାହା ପରେ ଇଲିଆନାଙ୍କୁ ତାମିଲ ଚଳଚ୍ଚିତ୍ର ମିଳିବା କମ ହୋଇଯାଇଥିଲା। ତେବେ ନିର୍ମାତା କିମ୍ବା ଇଲିଆନା ବା ତାଙ୍କ ଟିମ୍ ଦ୍ୱାରା ଏହି ଖବର ଉପରେ କୌଣସି ପ୍ରତିକ୍ରିୟା ଦିଆଯାଇନାହିଁ।

ତେବେ ଜାନୁଆରି ମାସରେ ଇଲିଆନା ଅସୁସ୍ଥ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିବା ଖବର ମିଳିଥିଲା। ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରି ଡାକ୍ତରଖାନାରେ ଭର୍ତ୍ତି ହୋଇଥିବା କହିଥିଲେ ଇଲିଆନା। ତାଙ୍କ ଶରୀରର ଜଳୀୟାଂଶ କମି ଯାଇଥିବାରୁ ସେ ଡାକ୍ତରଖାନାରେ ଭର୍ତ୍ତି ହୋଇଥିବା ଜଣାପଡ଼ିଥିଲା।

ileana dcruz amarujala