ଦକ୍ଷିଣୀ ସୁନ୍ଦରୀ ସମନ୍ଥା ଏବେ ୱେବ୍ ସିରିଜରେ ଚର୍ଚ୍ଚାରେ ରହିଛନ୍ତି। ସେ କହିଛନ୍ତି, ‘୧୫ ବର୍ଷରୁ ୫୦ ବର୍ଷ; ସବୁବର୍ଗର ସମସ୍ତ ଦର୍ଶକ ମୋ ଚରିତ୍ରକୁ ଗ୍ରହଣ କରିବେ ବୋଲି ମୁଁ ଆଶା କରୁଛି।’ ଏହି ଚଳଚ୍ଚିତ୍ରରେ ଅଭିନୟର ସୁଯୋଗ ପାଇ ସେ ନିଜକୁ ଭାଗ୍ୟବତୀ ବୋଲି ବିବେଚନା କରିଛନ୍ତି। ୱେବ୍ ସିରିଜ ‘ଫ୍ୟାମିଲି ମ୍ୟାନ-୨ରେ ଏକ ଗୁରୁତ୍ବପୂର୍ଣ୍ଣ ଭୂମିକାରେ ଅବତୀର୍ଣ୍ଣ ହେଇଥିବା ସମନ୍ଥା ଆକ୍କିନେନୀ କହିଛନ୍ତି, ଏହା ତାଙ୍କ ପାଇଁ ଏକ ସ୍ବପ୍ନର ଚରିତ୍ର। କେବଳ ହିନ୍ଦୀ ମୁଭି ‘ଏକ୍ ଦିୱାନା ଥା’ରେ ଦର୍ଶକଙ୍କ ନଜରକୁ ଆସିଛନ୍ତି ସମନ୍ଥା।
Sambad is now on WhatsApp
Join and get latest news updates delivered to you via WhatsApp
ଏବେ କୋଭିଡ୍ ସଂକ୍ରମଣ ଓ ଏଥିଜନିତ କଟକଣା ଭିତରେ ୱେବ୍ ସିରିଜ୍ ‘ଫ୍ୟାମିଲି ମ୍ୟାନ୍’ର ପ୍ରଥମ ଓ ଦ୍ବିତୀୟ ଭାଗରେ ଅଭିନୟ କରି ସେ ଅଧିକ ଚର୍ଚ୍ଚାକୁ ଆସିଛନ୍ତି। ‘ଫ୍ୟାମିଲି ମ୍ୟାନ-୨’ର ଟ୍ରେଲର୍ ଦେଖିବା ପରେ ଜଣାପଡ଼ିଛି ଯେ ସମନ୍ଥା ଏଥିରେ ରାଜି ଚରିତ୍ରରେ ଉଭା ହେଇଛନ୍ତି, ଯିଏ ଏକ ସନ୍ତ୍ରାସବାଦ ଦଳରେ ଜଡ଼ିତ ଅଛନ୍ତି। ତେଲୁଗୁ ଓ ତାମିଲ ସିନେମା ଇଣ୍ଡଷ୍ଟ୍ରିରେ ପାଖାପାଖି ଦଶବର୍ଷ ପୂରଣ କରିଥିବା ସମନ୍ଥା ଏବେ ବଲିଉଡ୍ରେ ନିଜର ପତିଆରା ଦେଖାଉଛନ୍ତି।