ମୁମ୍ବାଇ: ଆମୀର ଖାନ୍‌ଙ୍କ ଭଣଜା ଇମ୍ରାନ ଖାନ୍‌ ଦୀର୍ଘ ସମୟ ଧରି ବଲିଉଡ୍‌ ଇଣ୍ଡଷ୍ଟ୍ରିରୁ ଦୂରେଇ ରହିଛନ୍ତି। ନିଜର ବ୍ୟକ୍ତିଗତ ଜୀବନକୁ ନେଇ ଏବେ ଇମ୍ରାନ ପୁଣି ଥରେ ଚର୍ଚ୍ଚାର ପରିସର ଭିତରକୁ ଆସିଛନ୍ତି। ଆପଣ ସମସ୍ତେ ଜାଣନ୍ତି ଯେ ଇମ୍ରାନ ତାଙ୍କ ପତ୍ନୀ ଅବନ୍ତିକାଙ୍କଠାରୁ ଅଲଗା ହୋଇ ସାରିଛନ୍ତି।

Advertisment

ଏବେ ଅନୁମାନ କରାଯାଉଛି ଯେ ଇମ୍ରାନଙ୍କୁ ପୁଣି ଥରେ ପ୍ରେମ ହୋଇଯାଇଛି। ସୋସିଆଲ୍‌ ମିଡିଆରେ ଇମ୍ରାନଙ୍କର ଜଣେ ରହସ୍ୟମୟୀ ମହିଳାଙ୍କ ସହ ଭିଡିଓ ଭାଇରାଲ୍‌ ହୋଇଛି। ଚର୍ଚ୍ଚା ହେଉଛି ଯେ ଦୁହେଁ ଦୁହିଁଙ୍କୁ ଡେଟ୍‌ କରୁଛନ୍ତି। ଗତକାଲି ରାତିରେ ଇମ୍ରାନଙ୍କୁ ଅଭିନେତ୍ରୀ କିର୍ତ୍ତୀ ଖରବନ୍ଦାଙ୍କ ଜନ୍ମଦିନ ପାର୍ଟିରେ ଦେଖିବାକୁ ମିଳିଥିଲା। ଏହି ସମୟରେ ସେ ଏକା ନଥିଲେ। ତାଙ୍କ ସହ ଥିଲେ ଜଣେ ମହିଳା। ମହିଳାଜଣକ ହେଉଛନ୍ତି ସାଉଥ ଅଭିନେତ୍ରୀ ଲେଖା ୱାଶିଂଟନ। ଇମ୍ରାନ ତାଙ୍କୁ ଡେଟ୍ କରୁଥିବା କିଛି ମାସ ତଳେ ସାମ୍ନାକୁ ଆସିଥିଲେ। ହେଲେ ଏବେ ଦୁହିଁଙ୍କୁ ସାଙ୍ଗରେ ଦେଖି ଏହି ଚର୍ଚ୍ଚା ଏକପ୍ରକାର ସ୍ପଷ୍ଟ ହୋଇଯାଇଛି।

ଦୁହେଁ ଫିଲ୍ମ 'ମଟ୍ରୁ କି ବିଜଲି କା ମନଡୋଲା'ରେ ଏକାଠି କାମ କରିଥିଲେ। ଏହା ପରଠାରୁ ଦୁହିଁଙ୍କ ମଧ୍ୟରେ ବନ୍ଧୁତା ହେଲା ଓ ପରେ ଏହା ପ୍ରେମରେ ପରିଣତ ହେଲା ବୋଲି କୁହାଯାଉଛି। ହେଲେ ଏପର୍ଯ୍ୟନ୍ତ ଦୁହେଁ ଏହା ସ୍ବୀକାର କରିନାହାନ୍ତି।

‌ତେବେ ଲେଖା ମଧ୍ୟ ବିବାହିତ। ସେ ସାମ୍ବାଦିକ ପାବଲୋ ଚାଟାର୍ଜୀଙ୍କୁ ବିବାହ କରିଥିଲେ। ଦୁହିଁଙ୍କ ଛାଡ଼ପତ୍ର ହୋଇନଥିବା ବେଳେ ଲେଖାଙ୍କ ନାମ ଇମ୍ରାନଙ୍କ ସହ ଯୋଡାଯିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।