‘ସଲମାନ୍ ମୋ ସ୍ୱାମୀ’: ଏପରି କହି ସଲମାନ୍ଙ୍କ ଘରେ ହଙ୍ଗାମା କଲେ ମହିଳା
ମୁମ୍ବାଇ: ବଲିଉଡରେ ଏପରି ଅନେକ କଳାକାର ଅଛନ୍ତି, ଯେଉଁମାନେ ଏ ପର୍ଯ୍ୟନ୍ତ ମଧ୍ୟ ନିଜର ଜୀବନସାଥୀ ଖୋଜି ପାଇ ନାହାନ୍ତି । ବହୁ ବଲିଉଡ୍ କଳାକାର ଅବିବାହିତ ଥିଲେ ମଧ୍ୟ ସଲମାନଙ୍କ ବିବାହକୁ ନେଇ ସବୁବେଳେ ଚର୍ଚ୍ଚା ହୋଇଥାଏ । କିଛି ଦିନ ତଳେ ସେ ତାଙ୍କ ଭିଣୋଇଙ୍କ ପ୍ରଥମ ଫିଲ୍ମ ‘ଲଭ୍ରାତ୍ରୀ’ ପାଇଁ ହିରୋଇନ୍ ବାଛିଥିଲେ । କିନ୍ତୁ ଏ ଖବରକୁ ତାଙ୍କୁ ଝିଅ ମିଳିଗଲା କହି ସେ ପ୍ରଚାର କରିବା ପରେ ତାଙ୍କ ପ୍ରଶଂସକମାନେ ଶେଷରେ ଦବଙ୍ଗ ଖାନ୍ଙ୍କୁ ଝିଅ ମିଳିଗଲା ଭାବି କେବେ ବିବାହ କରୁଛନ୍ତି ବୋଲି ପଚାରିଥିଲେ । କିନ୍ତୁ ସଲମାନ ସମସ୍ତଙ୍କ ଆକଳନକୁ ଭୁଲ୍ ପ୍ରମାଣିତ କରି ତାଙ୍କ ଭିଣୋଇଙ୍କ ଫିଲ୍ମ ପାଇଁ ଝିଅ ମିଳିଗଲା ବୋଲି ଲେଖି ଟ୍ଵିଟ୍ କରିଥିଲେ । ଏହି ଖବର ଶୁଣିବା ପରେ ସମସ୍ତଙ୍କ ମନ ଭାଙ୍ଗି ଯାଇଥିଲା । ତେବେ ଏବେ ସେଭଳି ଏକ ଖବର ସାମ୍ନାକୁ ଆସିଛି ଯାହାକୁ ଶୁଣିବା ପରେ ଆପଣ ଆଶ୍ଚର୍ଯ୍ୟ ହେବେ ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ଖବର ଅନୁଯାୟୀ, ନିକଟରେ ଜଣେ ଅଜଣା ମହିଳା ସଲମାନଙ୍କ ଘରକୁ ଯାଇ ସଲମାନ ମୋ ସ୍ୱାମୀ ବୋଲି ଦାବି କରିଛନ୍ତି । ସଲମାନ ‘ରେସ୍-୩’ର ସୁଟିଂ କାମରେ ବାହାରେ ଥିବା ବେଳେ ମହିଳା ଜଣକ ତାଙ୍କ ଘରାକୁ ଆସି ଏପରି କହି ହଙ୍ଗାମା କରିଥିବା ଜଣା ପଡ଼ିଛି । ଏତେ ସୁରାକ୍ଷାକର୍ମୀ ଥିବା ସତ୍ତ୍ୱେ ମହିଳା ଜଣକ ସଲମାନଙ୍କ ଘରର ପାଚେରି ଭିତରକୁ ଯାଇ ତାଙ୍କ ଗ୍ୟାଲେକ୍ସି ଆପାର୍ଟମେଣ୍ଟର କବାଟ ବାଡ଼େଇବା ଆରମ୍ଭ କରି ଦେଇଥିଲେ । କିନ୍ତୁ ଆଶ୍ଚର୍ଯ୍ୟର କଥା ହେଲା ମହିଳାଙ୍କ ଏପରି କରିବା ପରେ ମଧ୍ୟ ସଲମାନଙ୍କ ଘର ଲୋକ ପୁଲିସକୁ ଏ ନେଇ ସୂଚନା ଦେଇ ନଥିଲେ ।
ପୁଲିସକୁ ଜଣାଇବା ପରିବର୍ତ୍ତେ ସଲମାନଙ୍କ ପରିବାର ଲୋକେ ଅଗ୍ନିଶମ ବିଭାଗକୁ ଫୋନ କରିଥିଲେ । ଏହା ପରେ ଅଗ୍ନିଶମ ବିଭାଗର କର୍ମଚାରୀମାନେ ଆସି ମହିଳାଙ୍କୁ ଗେଟ୍ ବାହାରକୁ ନେଇଥିଲେ । ବାହାରକୁ ନିଆ ଯାଉଥିବା ବେଳେ ମଧ୍ୟ ମହିଳା ଜଣଙ୍କ ରାଗରେ ସଲମାନ ମୋ ସ୍ୱାମୀ ବୋଲି କହି କହି ଯାଉଥିବାର ଦେଖିବାକୁ ମିଳିଥିଲା ।