ଭିଡିଓ ଦେଖି ଅନୁମାନ ଲଗାଇଲେ ପ୍ରଶଂସକ, ମାଆ ବନିବେ କି ବିଗ୍‌ବସ୍‌ ଫେମ୍‌ ରୁବିନା?

ନୂଆଦିଲ୍ଲୀ: ‘ବିଗବସ-୧୪’ର ବିଜେତା ରୁବିନା ଦିଲାଏକ ଟେଲିଭିଜନର ଜଣେ ଚର୍ଚ୍ଚିତ ଅଭିନେତ୍ରୀ। ରୁବିନା ପ୍ରାୟତଃ କୌଣସି ନା କୌଣସି କାରଣକୁ ନେଇ ଚର୍ଚ୍ଚାରେ ଥାଆନ୍ତି। ଏବେ ଚର୍ଚ୍ଚା ହେଉଛି ଯେ ଅଭିନେତ୍ରୀ ମାଆ ବନିବାକୁ ଯାଉଛନ୍ତି। ଅବଶ୍ୟ ସେ ନିଜେ ଏ ସଂପର୍କରେ କୌଣସି ଆନୁଷ୍ଠାନିକ ଘୋଷଣା କରିନାହାନ୍ତି, ତାଙ୍କ ସୋସିଆଲ୍‌ ମିଡିଆ ପୋଷ୍ଟ୍‌ରୁ ପ୍ରଶଂସକମାନେ ଖାଲି ଅନୁମାନ କରିଛନ୍ତି।

ରୁବିନା ସୋସିଆଲ୍‌ ମିଡିଆରେ ଏକ ଭିଡିଓ ସେୟାର୍‌ କରିବା ପରେ ଏହି ଚର୍ଚ୍ଚା ହେଉଛି। ଭିଡିଓରେ ରୁବିନା ବେଶ୍ ସୁନ୍ଦର ଦିଶୁଥିବା ବେଳେ ସବୁ ଢିଲା ଢିଲା ପୋଷାକ ପିନ୍ଧୁଥିବାର ନଜର ଆସିଛନ୍ତି।

ପୋଷାକ ଓ ତାଙ୍କର ପେଟକୁ ଦେଖି ପ୍ରଶଂସକମାନେ ସେ ଗର୍ଭବତୀ ଥିବା ଅନୁମାନ କରି ଶୁଭେଚ୍ଛା ବାର୍ତ୍ତା ଦେବା ବି ଆରମ୍ଭ କରି ଦେଇଛନ୍ତି। କେହି କେହି ‘ଅଭିନନ୍ଦନ’ ବୋଲି ଲେଖିଥିବା ବେଳେ କିଛି ପ୍ରଶଂସକ ‘ଆପଣ ଗର୍ଭବତୀ ଅଛନ୍ତି କି?’ ବୋଲି ପ୍ରଶ୍ନ କରିଛନ୍ତି।

ତେବେ ରୁବିନା ଏପର୍ଯ୍ୟନ୍ତ ପ୍ରଶଂସକମାନଙ୍କ ପ୍ରଶ୍ନର କୌଣସି ଉତ୍ତର ଦେଇନାହାନ୍ତି। ରୁବିନା ଟିଭି ଅଭିନେତା ଅଭିନବ ଶୁକ୍ଳାଙ୍କୁ ୫ ବର୍ଷ ତଳୁ ବିବାହ କରିଛନ୍ତି। ଦୁହେଁ ଏକାସାଥୀରେ ବିଗ୍‌ବସ୍‌-୧୪ରେ ନଜର ଆସିଥିଲେ। ଏହି ରିୟଲିଟି ସୋ’ର ଟ୍ରଫିକୁ ନିଜ ନାମରେ କରିଥିଲେ ରୁବିନା।

ହିମାଚଳ ପ୍ରଦେଶର ସିମଳାଠାରେ ୧୯୮୭ ଅଗଷ୍ଟ ୨୬ ତାରିଖରେ ଜନ୍ମିତ ରୁବିନା ହାଇସ୍କୁଲ ଶିକ୍ଷା ବେଳେ ତର୍କ ପ୍ରତିଯୋଗିତାରେ ଜାତୀୟ ସ୍ତରୀୟ ଚାମ୍ପିଅନ୍‌ ହୋଇଥିଲେ।

ସେହିପରି ସେ ୨୦୦୬ରେ ‘ସିମଳା ସୁନ୍ଦରୀ’ ମୁକୁଟ ହାସଲ କରିବା ସହ ଚଣ୍ଡିଗଡ଼ରେ ଆୟୋଜିତ ସର୍ବଭାରତୀୟ ସୁନ୍ଦରୀ ପ୍ରତିଯୋଗିତାରେ ମଧ୍ୟ ‘ଉତ୍ତର ଭାରତ ସୁନ୍ଦରୀ’ ମୁକୁଟ ବିଜୟିନୀ ହୋଇଥିଲେ। ଫଳରେ ଆଇଏଏସ୍‌ ପରୀକ୍ଷା ପାଇଁ ପ୍ରସ୍ତୁତି ଚଳାଇଥିବା ରୁବିନାଙ୍କୁ ଏହି ଗ୍ଲାମର୍‌ ଜଗତର ସ୍ବୀକୃତି ହିଁ ଜୀ ଟିଭିର ‘ଛୋଟି ବୋହୂ’ ଧାରାବାହିକ ପାଇଁ ଅଡିସନ ଦେବା ଲାଗି ପ୍ରବର୍ତ୍ତାଇଥିଲା।

ସେହିପରି ୨୦୧୬ରୁ ୨୦୨୦ ଯାଏ କଲର୍ସ ଟିଭିର ଧାରାବାହିକ ‘ଶକ୍ତି- ଅସ୍ତିତ୍ବ କେ ଏହସାସ କେ’ରେ ତାଙ୍କ ଅଭିନୀତ ସୌମ୍ୟା ସିଂହଙ୍କ ପରି ଜଣେ ତୃତୀୟଲିଙ୍ଗୀର ଚରିତ୍ର ହିଁ ତାଙ୍କ ପାଇଁ ୨୦୧୭ରେ ଶ୍ରେଷ୍ଠ ବ୍ୟକ୍ତିତ୍ବ ଭାବେ କଲର୍ସ ଗୋଲ୍‌ଡେନ ପେଟାଲ ସମ୍ମାନ ଓ ଶ୍ରେଷ୍ଠ ଅଭିନେତ୍ରୀ ଭାବେ ଆଇଟା ସମ୍ମାନ-୨୦୧୭ ଆଣିଦେଇଥିଲା। ସେହିପରି ୨୦୨୦ରେ ଟାଇମ୍‌ସ ଦ୍ବାରା ପ୍ରସ୍ତୁତ ଟିଭିର ଶ୍ରେଷ୍ଠ ଆକାଂକ୍ଷିତ ମହିଳା ତାଲିକାର ଦଶମ ସ୍ଥାନରେ ରହିଥିଲେ ସେ।