ଫିଲ୍ମରେ ଡେବ୍ୟୁ କରିବା ପୂର୍ବରୁ ପ୍ରେମ ଜୀବନକୁ ନେଇ ଚର୍ଚ୍ଚାରେ ଆର୍ଯ୍ୟନ, ଲଣ୍ଡନରେ ରହୁଥିବା ଏହି ଯୁବତୀଙ୍କୁ କରୁଛନ୍ତି ଡେଟ୍
ମୁମ୍ବାଇ: ବଲିଉଡ୍ର କିଙ୍ଗ୍ ଖାନ୍ ଶାହାରୁଖ୍ଙ୍କ ପୁଅ ଆର୍ଯ୍ୟନ ଖାନ୍ ଏବେ ଦୁଇଟି ଖବରକୁ ନେଇ ଚର୍ଚ୍ଚାରେ ରହିଛନ୍ତି । ପ୍ରଥମଟି ହେଲା ସେ ଫିଲ୍ମ ‘ଦ ଲାୟନ କିଙ୍ଗ୍’ରେ ଥିବା ସିମ୍ବା ଚିରିତ୍ର ପାଇଁ ନିଜର ସ୍ୱର ଦେଇଛନ୍ତି । ଏହା ଗତ ଶୁକ୍ରବାର ରିଲିଜ୍ ହୋଇ ସାରିଛି । ଦ୍ୱିତୀୟଟି ହେଉଛି ଆର୍ଯ୍ୟନ ଏବେ ଲଣ୍ଡନରେ ରହୁଥିବା ଜଣେ ଯୁବତୀଙ୍କୁ ଡେଟ୍ କରିବା ଆରମ୍ଭ କରିଛନ୍ତି । ମିଳିଥିବା ସୂଚନା ମୁତାବକ, ୨୧ବର୍ଷୀୟ ଆର୍ଯ୍ୟନ ଲଣ୍ଡନର ଜଣେ ବ୍ଲଗରଙ୍କୁ ଡେଟ୍ କରୁଛନ୍ତି । ଆର୍ଯ୍ୟନଙ୍କ ମା’ ଗୌରୀ ଖାନ୍ ମଧ୍ୟ ଆର୍ଯ୍ୟନଙ୍କ ପ୍ରେମିକାଙ୍କୁ ଭେଟି ସାରିଥିବା ବେଳେ ତାଙ୍କୁ ମଧ୍ୟ ସେ ପସନ୍ଦ ଆସିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଅଭିନୟରେ କ୍ୟାରିୟର କରିବା ନେଇ ଦେଖିବାକୁ ଗଲେ, ଅଭିନୟ ଅପେକ୍ଷା ଆର୍ଯ୍ୟନ ଫିଲ୍ମ ନିର୍ମାଣ କ୍ଷେତ୍ରରେ ନିଜର କ୍ୟାରିୟର କରିବାକୁ ଅଧିକ ପସନ୍ଦ କରୁଥିବା କହିଛନ୍ତି ଶାହାରୁଖ୍ । କିଛି ଦିନ ତଳେ ଶାହାରୁଖ୍ ନିଜ ପୁଅକୁ ବଲିଉଡ୍ରେ ନୁହେଁ ବରଂ ହଲିଉଡ୍ରେ ଡେବ୍ୟୁ କରାଇବାକୁ ଯାଉଥିବା ନେଇ ସୂଚନା ମିଳିଥିଲା । ତେବେ ସେ କେଉଁ କ୍ଷେତ୍ରରେ ନିଜର କ୍ୟାରିୟର ଗଢ଼ିବେ ତାହା ଦେଖିବାକୁ ବାକି ରହିଲା ।