ସୈଫ୍ଙ୍କ ସହ ସେଲ୍ଫି ସେୟାର କରି ୨୩ବର୍ଷ ତଳର ପୁରୁଣା ରାଜ୍ ଖୋଲିଲେ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ
ମୁମ୍ବାଇ : ରିଲାଏନ୍ସ ଇଣ୍ଡଷ୍ଟ୍ରିଜ୍ର ଅଧ୍ୟକ୍ଷ ମୁକେଶ ଅମ୍ବାନୀଙ୍କ ଝିଅ ଈଶା ଅମ୍ବାନୀ ଡିସେମ୍ବର ୧୨ରେ ବ୍ୟବସାୟୀ ଆନନ୍ଦ ପିରାମଲଙ୍କ ସହ ଆନୁଷ୍ଠାନିକ ଭାବେ ବିବାହ କରିଛନ୍ତି । ଏହି ବିବାହରେ ଅନେକ ବଲିଉଡ୍ ଷ୍ଟାର, କ୍ରିକେଟ ଷ୍ଟାର ଏବଂ ରାଜନେତାମାନେ ଯୋଗ ଦେଇଥିବାର ଦେଖା ଯାଇଥିଲା । ତେବେ ଏହି ଭବ୍ୟ ବିବାହର ଏକ ଫଟୋ ଏବେ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି। ଫଟୋରେ ବଲିଉଡ୍ ଅଭିନେତା ସୈଫ୍ ଅଲ୍ଲୀ ଖାନ୍ ଏବଂ ବୟନଶିଳ୍ପ ମନ୍ତ୍ରୀ ସ୍ମୃତି ଇରାନୀଙ୍କୁ ଦେଖିବାକୁ ମିଳିଛି । ଦୁହେଁ ସେଲ୍ଫି ନେଇଥିବା ବେଳେ ଏହାକୁ ଇନ୍ଷ୍ଟାରେ ସେୟାର କରି ୨୩ବର୍ଷ ପୁରୁଣା ରାଜ୍ ଖୋଲିଥିଲେ ସ୍ମୃତି ଇରାନୀ ।
Sambad is now on WhatsApp
Join and get latest news updates delivered to you via WhatsApp
“୨୩ବର୍ଷ ତଳେ ଜଣେ ସଂଘର୍ଷ କରୁଥିବା କଳାକାର ନୂଆ ଆସିଥିବା ଜଣେ ଯୁବତୀଙ୍କୁ ସହରରେ କେମିତି ରହିବାକୁ ହୁଏ ଜଣାଇଥିଲେ । ସେତେବେଳେ ସେ କିଛି ଏଭଳି ଉପଦେଶ ଦେଇଥିଲେ, ଯାହାକୁ ବ୍ୟବହାର କରି ଜଣେ କୌଣସି ବି ପରିସ୍ଥିତିର ସାମ୍ନା କରିପାରିବ । ତାଙ୍କୁ ଜଣା ଥିଲା ଦିନେ ଏହି ଯୁବତୀ ଷ୍ଟାର ବନିଯିବ । ସେ ସବୁ ଅଭୁଲା ସ୍ମୃତି ପାଇଁ ଧନ୍ୟବାଦ୍ ସୈଫ୍ ଅଲ୍ଲୀ ଖାନ୍” ବୋଲି ଲେଖିଥିଲେ ସ୍ମୃତି ଇରାନୀ ।