ଭୁବନେଶ୍ବର: ଆସନ୍ତା ୫ତାରିଖରୁ ଆରମ୍ଭ ହେବ ଖଣ୍ଡଗିରି ମେଳା । ଗତବର୍ଷ ଖଣ୍ଡଗିରି ମେଳାରେ ବିବାଦୀୟ ଆଇଟମ୍ ନୃତ୍ୟ ପରିବେଷଣ କରି ଚର୍ଚ୍ଚାକୁ ଆସିଥିବା ରାନୀ ପଣ୍ଡାଙ୍କୁ ଏଥର ଖଣ୍ଡଗିରି ଯାତ୍ରା ମହାକୁମ୍ଭରେ ଦେଖିବାକୁ ମିଳିବନି । ୧୦ ଦିନ ଧରି ଚାଲିବାକୁ ଥିବା ଏହି ଯାତ୍ରା ମହୋତ୍ସବରେ ଦେଖିବାକୁ ମିଳିବନି ରାନୀ ପଣ୍ଡାଙ୍କ ନୃତ୍ୟ।
Sambad is now on WhatsApp
Join and get latest news updates delivered to you via WhatsApp
ଏପରିିକି ସଚିଦାନନ୍ଦ ଗଣନାଟ୍ୟର ଯାତ୍ରା ବି ଦର୍ଶକ ଦେଖିବାକୁ ପାଇବେ ନାହିଁ । ଗତ ବର୍ଷ ଖଣ୍ଡଗିରି ଯାତ୍ରାରେ ରେକର୍ଡ ଡ୍ୟାନ୍ସରେ ଆଇଟମ ଗାର୍ଲ ରାନୀ ପଣ୍ଡାଙ୍କ ଅଶ୍ଳୀନ ନୃତୀ ସମସ୍ତ ସୀମା ଟପିଥିଲା, ଯାହାକୁ ନେଇ ବିବାଦ ସୃଷ୍ଟି ହୋଇଥିଲା । ଆଉ ଏହି ବିବାଦ ଯୋଗୁଁ ଚଳିତ ବର୍ଷ ରାନୀଙ୍କୁ ଖଣ୍ଡଗିରି ମେଳାରୁ ବାସନ୍ଦ କରାଯାଇଛି । ତେବେ ରାନୀ କହିଛନ୍ତି ସେ ଯେଉଁଠି ନାଚିବେ ସେଠି ଖଣ୍ଡଗିରି ମେଳା ହେବ । ଏହା ସହ ତାଙ୍କ ବିରୋଧରେ ଏହା ଏକ ଷଡଯନ୍ତ୍ର । ସେ ନାଚିଲେ ଅନ୍ୟମାନଙ୍କ ବେପାର ବୁଡ଼ିଯିବ ବୋଲି ଷଡ଼ଯନ୍ତ୍ର କରି ମୋତେ ମେଳାରୁ ବାସନ୍ଦ କରାଯାଇଛି ବୋଲି ଖୋଲାଖୋଲି କହିଛନ୍ତି ରାନୀ ।
ରାନୀ ଆହୁରି ମଧ୍ୟ କହିଛନ୍ତି, ମୁଁ କେବଳ ଖଣ୍ଡଗିରି ମେଳାରେ ନାଚିଲେ ଲୋକମାନେ ମୋତେ ଦେଖିବେ ତାହା ଭାବିବା ସମ୍ପୂର୍ଣ୍ଣ ଭୁଲ । ମୋ ପାଇଁ ଏକ ଯାତ୍ରା ଅନୁଷ୍ଠାନକୁ ବାରଣ କରିବା ନିଶ୍ଚିତ ନିନ୍ଦନୀୟ । ଏହା ଦ୍ୱାରା କୌଣସି କଳାକାରର ପ୍ରତିଭା ଲୁକାୟିତ ହେବନାହିଁ ବରଂ ସେ ଅଧିକ ଉତ୍ସାହିତ ହେବ । ଦୁଃଖ ଲାଗୁଛି ଅନ୍ୟ ଯାତ୍ରା ପାର୍ଟିରେ ମୋ ଠାରୁ ଅଧିକ ଅଶ୍ଳୀଳ ନୃତ୍ୟ ପରିବେଷଣ କରାଯାଉଥିଲେ ମଧ୍ୟ ସେମାନଙ୍କୁ ପ୍ରଶାସନ ପ୍ରୋତ୍ସାହିତ କରୁଛି।