ଜିଆ ଖାନ୍ଙ୍କ ମୃତ୍ୟୁ ରହସ୍ୟକୁ ନେଇ ତିନି ଭାଗରେ ନିର୍ମାଣ ହେବ କ୍ଷୁଦ୍ର ଚଳଚ୍ଚିତ୍ର
ମୁମ୍ବାଇ : ବଲିଉଡ୍ କଳାକାରମାନେ ନିଜ ଫିଲ୍ମ ଅପେକ୍ଷା ନିଜ ବ୍ୟକ୍ତିଗତ ବିବାଦକୁ ନେଇ ଚର୍ଚ୍ଚାରେ ରହିଥାନ୍ତି । କାହାକୁ ଡେଟ୍ କରୁଛନ୍ତି ବା କାହାକୁ ବିବାହ କରିବାକୁ ଯାଉଛନ୍ତି, ସେ ନେଇ ମଧ୍ୟ ଅନେକ ସମୟରେ ଚର୍ଚ୍ଚା ହୋଇଥାଏ । ସେଭଳି ଅଭିନେତ୍ରୀ ଜିଆ ଖାନ୍ଙ୍କର ହଠାତ୍ ଆତ୍ମହତ୍ୟା କରିବା ଖବର ମଧ୍ୟ ସମସ୍ତଙ୍କୁ ଆଶ୍ଚର୍ଯ୍ୟ କରିିଥିଲା । ନିଜ ପ୍ରେମିକ ତଥା ଅଭିନେତା ସୁରଜ ପାଞ୍ଚୋଲିଙ୍କ ପାଇଁ ସେ ଆତ୍ମହତ୍ୟା କରିଥିଲେ ବୋଲି ମଧ୍ୟ ଚର୍ଚ୍ଚା ହୋଇଥିଲା । ୨୦୧୩ରେ ସେ ଏଭଳି ପଦକ୍ଷେପ ନେଇଥିବା ବେଳେ ଏବେ ତାଙ୍କ ମୃତ୍ୟୁ ରହସ୍ୟକୁ ନେଇ କ୍ଷୁଦ୍ର ଚଳଚ୍ଚିତ୍ର ନିର୍ମାଣ ହେବାକୁ ଯାଉଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଏକ ବ୍ରିଟିଶ ଟେଲିଭିଜନ କମ୍ପାନୀ ଏହାକୁ ନିର୍ମାଣ କରିବ ବୋଲି ଜଣା ପଡ଼ିଥିବା ବେଳେ ୩ଭାଗରେ ଏହା ନିର୍ମାଣ ହେବ । ତେବେ ଜିଆଙ୍କ କାହାଣୀକୁ ପରଦାରେ ଦେଖିବାକୁ ଲୋକେ ଅନାଇ ବସିଥିବା ବେଳେ ଜିଆଙ୍କ ଭୂମିକାରେ କିଏ ନଜର ଆସିବେ, ତା’ ଉପରେ ଏବେ ସମସ୍ତଙ୍କ ନଜର ରହିଛି ।