ଜୋ ଡରଗୟା ଓହ ମରଗୟା
‘ଗବର ସିଂହ ୟେ କେହଗୟା, ଜୋ ଡରଗୟା ଓହ ମରଗୟା।’ ଏହାକୁ ଆଉ ଥରେ ଦୋହରାଇଛନ୍ତି ଓଲିଉଡ୍ର ଲୋକପ୍ରିୟ ସଙ୍ଗୀତ ନିର୍ଦ୍ଦେଶକ ଓ କଣ୍ଠଶିଳ୍ପୀ ଅଭିଜିତ ମଜୁମଦାର।
Sambad is now on WhatsApp
Join and get latest news updates delivered to you via WhatsApp
କରୋନା ଆସିଛି ଆଉ ଏହା କେବେ ବି ଆମକୁ ଛାଡ଼ିକି ଯିବନି। କରୋନାକୁ ନେଇ ଆମେ ନିଜେ ଡରିବା ନାହିଁ କି କାହାକୁ ଡରେଇବା ନାହିଁ। ଆମେ କାଢ଼ା ଓ ଲେମ୍ବୁପାଣି ପିଇବା ଏବଂ ପ୍ରତିଦିନ ବ୍ୟାୟାମ କରିବା। ଆମେ ଆମ ପାରିପାର୍ଶ୍ବିକ ପରିସ୍ଥିତିକୁ ଏକ ସକାରାତ୍ମକ ବାଟରେ ନେବା। ଆମେ ହସିବା, ଅନ୍ୟକୁ ହସେଇବା ଓ ଲୋକଙ୍କ ମନରେ ସାହସ ଦେବା। ଆମ ଆଖପାଖର ଲୋକଙ୍କ ମନକୁ ହାଲକା କରିବା। ଏଥିରେ ମିଡିଆ ଭାଇମାନଙ୍କର ମଧ୍ୟ ଭୂମିକା ରହୁଛି। ସେମାନେ କିଏ ରୋଗରେ ପଡ଼ିଲା ଓ ମରିଗଲା, ସେଠି ସାରା ପରିବାର କରୋନା ଆକ୍ରାନ୍ତ ହେଇଗଲେ, ଅନେକ ମରିଗଲେ, ଏଠି କାନ୍ଦବୋବାଳି ପଡ଼ିଛି, ସେଭଳି ଖବର ବେଶି ପ୍ରଚାର କରୁଛନ୍ତି। କରୋନାରେ ଆକ୍ରାନ୍ତ ହେଇ ମଧ୍ୟ ବହୁତ ଲୋକ ଭଲ ହେଉଛନ୍ତି, ସେଥିପାଇଁ ମୁଁ ଡାକ୍ତର ଓ ସ୍ବାସ୍ଥ୍ୟକର୍ମୀ ଏବଂ ପୁଲିସ ଭାଇଭଉଣୀମାନଙ୍କୁ ସାଲ୍ୟୁଟ୍ କରୁଛି। କରୋନା ମହାମାରୀର ଦ୍ୱିତୀୟ ଲହର ଲୋକଙ୍କ ମନରେ ଭ୍ରାନ୍ତ ଭାବନା ସୃଷ୍ଟି କରିଛି। ଏବେ ତ ଭାକ୍ସିନ୍ ସବୁଠି ଉପଲବ୍ଧ ହେଲାଣି। ବୟସ୍କ ଲୋକଙ୍କ ବ୍ୟତୀତ ଯୁବବର୍ଗ ଓ ଶିଶୁମାନଙ୍କ ପାଇଁ ଆମ ଭାରତରେ ଭାକ୍ସିନ୍ ପ୍ରସ୍ତୁତ ହେଲାଣି। ମଡିଆ ପ୍ଲାନର୍ ପକ୍ଷରୁ ଆରମ୍ଭ ହେଇଥିବା ‘ମିସନ୍ ସଂଜୀବନୀ’ ଅଭିଯାନରେ ଅଭିଜିତ ସାମିଲ ହେଇ ଏମିତି ଆହ୍ବାନ ଦେଇଛନ୍ତି।