ଅଭିନେତ୍ରୀ ଜୁହି ପର୍ମାରଙ୍କ ଚାଞ୍ଚଲ୍ୟକର ଖୁଲାସା: ହୋଲି ଦିନ ମୃତ୍ୟୁ ମୋତେ ପାଖରୁ ଛୁଇଁ ଚାଲି ଯାଇଥିଲା
ମୁମ୍ବାଇ : ଧାରାବାହିକ ଅଭିନେତ୍ରୀ ଜୁହି ପର୍ମାରଙ୍କର ଚଳିତ ବର୍ଷର ହୋଲି ସବୁ ଦିନ ପାଇଁ ମନେ ରହିବ । ଏ ବର୍ଷ ହୋଲିରେ ତାଙ୍କ ସହ ଯେଉଁ ଘଟଣା ଘଟିଥିଲା, ବୋଧହୁଏ ସେ କେବେ ତାକୁ ଭୁଲି ପାରିବେ ନାହିଁ । ମୃତ୍ୟୁମୁଖକୁ ଯାଉ ଯାଉ ଜୁହି ବଞ୍ଚି ଯାଇଥିବା ବେଳେ ଏ ନେଇ ସେ ଏବେ ଖୁଲାସା କରିଛନ୍ତି । ଏମିତି କି ମୃତ୍ୟୁବରଣ କରିବେ ବୋଲି ଭାବି ଜୁହି ନିଜ ଝିଅ କଥା ବୁଝିବା ପାଇଁ ନିଜ ଜଣେ ବନ୍ଧୁଙ୍କୁ ଦାୟିତ୍ୱ ଦେଇଥିଲେ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମାର୍ଚ୍ଚ ୨୧ରେ ଜୁହି ନିଜର ଜଣେ ବନ୍ଧୁଙ୍କ ଘରକୁ ହୋଲିର ପାର୍ଟିରେ ଯୋଗ ଦେବା ପାଇଁ ଯାଇଥିବା ବେଳେ ତାଙ୍କର ବାନ୍ତି ହୋଇଥିଲା । ବାନ୍ତି ନାକର ନଳି ପଟେ ବାହାରିବାରୁ, ସେ ନିଶ୍ୱାସ ନେଇ ପାରି ନ ଥିଲେ । ତାଙ୍କର ଏଭଳି ଅବସ୍ଥା ଦେଖି ତାଙ୍କ ବନ୍ଧୁ ତାଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଇଥିଲେ । ଚିକିତ୍ସା କରାଯିବାର କିଛି ସମୟ ପରେ ତାଙ୍କ ଅବସ୍ଥାରେ ସୁଧାର ଆସିଥିଲା । ଆଉ ଟିକେ ବିଳମ୍ବ ହୋଇଥିଲେ, ଜୁହିଙ୍କ ଜୀବନ ମଧ୍ୟ ଚାଲି ଯାଇଥାନ୍ତା ବୋଲି କହିଥିଲେ ଡ଼ାକ୍ତର । ନିଜର ଏଭଳି ଅପ୍ରୀତିକର ସ୍ମୃତିକୁ ଜୁହି ନିଜ ଇନ୍ଷ୍ଟା ଆକାଉଣ୍ଟରେ ସେୟାର କରି ନିଜ ପ୍ରଶଂସକମାନଙ୍କୁ ଜଣାଇଛନ୍ତି ।