ମୁମ୍ବାଇ: ବଲିଉଡ୍ର ବହୁ ଲୋକପ୍ରିୟ ବ୍ୟକ୍ତିତ୍ୱ କାଦର ଖାନଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହୋଇଛି ବୋଲି ଶୁକ୍ରବାର ଖବର ହସ୍ତଗତ ହୋଇଛି। କାଦର ଖାନ ଏବେ କାନାଡାରେ ପୁଅ ସର୍ଫରଜ ଏବଂ ବୋହୂଙ୍କ ସହ ରହୁଛନ୍ତି। ଜାଣିବାକୁ ମିଳିଛି ଯେ ସେ ଆଦୌ ସୁସ୍ଥ ନାହାନ୍ତି। ତାଙ୍କ ସ୍ୱାସ୍ଥ୍ୟ ଧୀରେ ଧୀରେ ବିଗିଡ଼ିବାରେ ଲାଗିଛି। ରିପୋର୍ଟରୁ ଜାଣିବାକୁ ମିଳିଛି ଯେ ସେ ନିଶ୍ୱାସ ନେବାରେ ଅସୁବିଧା ଅନୁଭବ କରୁଛନ୍ତି। ତାଙ୍କ ଶରୀରର ଏହି ସମସ୍ୟା ହେତୁ ସେ ସମୟେ ସମୟେ ନିଶ୍ୱାସଶୂନ୍ୟ ହୋଇ ପଡୁଛନ୍ତି। ଏହି କାରଣରୁ ଡାକ୍ତରମାନେ ତାଙ୍କୁ ରେଗୁଲାର ଭେଣ୍ଟିଲେଟରରୁ ବିପାପ୍ ଭେଣ୍ଟିଲେଟରକୁ ସ୍ଥାନାନ୍ତରଣ କରିଛନ୍ତି। ରେଗୁଲାର ଭେଣ୍ଟିଲେଟରରେ ରହିଲେ ତାଙ୍କ ଜୀବନ ପ୍ରତି ବିପଦ ରହିଥିବା ଡାକ୍ତରମାନେ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ରିପୋର୍ଟରୁ ଜାଣିବାକୁ ମିଳିଛି ଯେ ସେ ବେଳେ ବେଳେ ସମସ୍ତଙ୍କୁ ଚିହ୍ନିପାରୁଛନ୍ତି ଓ ଆଖିରେ ଆଖି ମିଶାଉଛନ୍ତି। ମାତ୍ର ସେ ଆଉ କଥାବାର୍ତ୍ତା କରି ପାରୁନାହାନ୍ତି। ଜାଣିବାକୁ ମିଳିଛି ଯେ ସେ ନିମୋନିଆର ବି ଆକ୍ରାନ୍ତ। କେଦାରଙ୍କ ସଂପର୍କରେ ତାଙ୍କ ପୁଅ ସୂଚନା ଦେଇ କହିଛନ୍ତି କି ପୂର୍ବରୁ ସ୍ୱାସ୍ଥ୍ୟାବସ୍ଥା ସମାନ୍ୟ ଭଲ ଥିଲା ବେଳେ ବି ସେ ଚାଲିବା ପାଇଁ ସାହାରା ଲୋଡୁଥିଲେ। କିଛି ବାଟ ଚାଲିବା ପରେ କାଳେ ପଡ଼ିଯିବେ ଭାବି ସେ ବସି ପଡୁଥିଲେ।