ମୁମ୍ବାଇ: ସାଉଥ ସିନେମାର ପ୍ରସିଦ୍ଧ ଅଭିନେତ୍ରୀ କାଜଲ ଅଗ୍ରୱାଲ ଆଜି ତାଙ୍କର ୩୭ ତମ ଜନ୍ମଦିନ ପାଳନ କରୁଛନ୍ତି | ସାଉଥ ଇଣ୍ଡଷ୍ଟ୍ରିରେ ତଥା ହିନ୍ଦୀ ସିନେମା ଜଗତରେ ଅଭିନୟ କରି କାଜଲ ଅଗ୍ରୱାଲ ସମସ୍ତଙ୍କ ହୃଦୟ ଜିତିଛନ୍ତି | କିନ୍ତୁ ଅନେକ ଲୋକ ଭାବନ୍ତି ଯେ କାଜଲ ଅଗ୍ରୱାଲଙ୍କ ଡେବ୍ୟୁ ବଲିଉଡ ଫିଲ୍ମ ‘ସିଂହମ’ ଥିଲା। ତେବେ ଏହା ସତ ନୁହେଁ | ସୁପରଷ୍ଟାର ଅଜୟ ଦେବଗନଙ୍କ ‘ସିଂହମ’ ରିଲିଜ୍ ହେବାର ୭ ବର୍ଷ ପୂର୍ବରୁ କାଜଲ ଏକ ଚଳଚ୍ଚିତ୍ର ସହିତ ବଲିଉଡ ଇଣ୍ଡଷ୍ଟ୍ରିରେ ପାଦ ଦେଇଥିଲେ | ବଲିଉଡର ନିର୍ଦ୍ଦେଶକ ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ‘ସିଂହମ’ ଫିଲ୍ମ ବକ୍ସ ଅଫିସରେ ଏକ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ଏହି ଚଳଚ୍ଚିତ୍ରରେ କାଜଲ ଅଗ୍ରୱାଲ ଅଭିନେତା ଅଜୟ ଦେବଗନଙ୍କ ସହ ମୁଖ୍ୟ ଭୂମିକାରେ ଅଭିନୟ କରିଥିଲେ। ଯେଉଁଥିପାଇଁ କାଜଲ ଅଗ୍ରୱାଲ ହିଁ ଏହା ଦ୍ୱାରା ବଲିଉଡରେ ଡେବ୍ୟୁ କରିଥିଲେ ବୋଲି ଅନେକ ଭାବନ୍ତି | କିନ୍ତୁ ଏହି ଚଳଚ୍ଚିତ୍ର ପୂର୍ବରୁ ୨୦୦୪ ମସିହାରେ କାଜଲ ବଲିଉଡ ଅଭିନେତ୍ରୀ ଐଶ୍ଵର୍ଯ୍ୟା ରାୟ ବଚ୍ଚନଙ୍କ ଫିଲ୍ମ ‘କ୍ୟୁ ହୋ ଗୟା ନା’ ମାଧ୍ୟମରେ ହିନ୍ଦୀ ସିନେମା ଜଗତରେ ପାଦ ଦେଇଥିଲେ | ଏହି ଚଳଚ୍ଚିତ୍ରରେ କାଜଲ ଐଶ୍ଵର୍ଯ୍ୟାଙ୍କ ଭଉଣୀ ଭୂମିକାରେ ଅଭିନୟ କରିଥିଲେ।
ତେବେ ‘ସିଂହମ’ରେ ତାଙ୍କର ଦମଦାର ଅଭିନୟ ପାଇଁ କାଜଲ ଅଗ୍ରୱାଲଙ୍କୁ ଫିଲ୍ମଫେୟାର ପୁରସ୍କାର ପ୍ରଦାନ କରାଯାଇଥିଲା। ଏହା ପରେ କାଜଲ ଅଗ୍ରୱାଲ ଅଭିନେତା ଅକ୍ଷୟ କୁମାରଙ୍କ ସୁପରହିଟ୍ ଫିଲ୍ମ ‘ସ୍ପେଶାଲ୍ ୨୬’, ଦୋ ଲଫଜୋ କି କାହାନି ଏବଂ ମୁମ୍ବାଇ ସାଗା ଭଳି ଚଳଚ୍ଚିତ୍ରରେ ଅଭିନୟ କରିଥିଲେ |