ମୁମ୍ବାଇ: ଦୁର୍ଗା ପୂଜାର ପର୍ବ ସାରା ଦେଶରେ ଖୁବ ଧୁମ ଧାମରେ ପାଳନ କରାଯାଏ | ସାଧାରଣ ଲୋକଙ୍କଠାରୁ ଆରମ୍ଭ କରି ସେଲିବ୍ରିଟିମାନଙ୍କ ପର୍ଯ୍ୟନ୍ତ ସମସ୍ତେ ଏହି ପର୍ବକୁ ପାଳନ କରୁଥିବାର ଦେଖାଯାଏ | ବିଶେଷ କରି ବଲିଉଡ ଅଭିନେତ୍ରୀ ରାଣୀ ମୁଖାର୍ଜୀ, କାଜୋଲଙ୍କ ଭଳି କଳାକାର ପ୍ରତିବର୍ଷ ପୂଜା ପେଣ୍ଡାଲକୁ ଯାଇ ମାଙ୍କ ପୁଜାର୍ଚ୍ଚନା କରୁଥିବାର ଦେଖାଯାଏ | 

Advertisment

ପ୍ରତିବର୍ଷ ପରି ଏହି ବର୍ଷ ମଧ୍ୟ କାଜୋଲ ଏବଂ ରାଣୀ ମୁଖାର୍ଜୀଙ୍କ ପରିବାର ମୁମ୍ବାଇରେ ଦୁର୍ଗା ପୂଜାର ଆୟୋଜନ କରିଛନ୍ତି । ବହୁ ବଲିଉଡ ସେଲିବ୍ରିଟିମାନେ ମାଙ୍କ ଦର୍ଶନ ପାଇଁ ଏହି ପେଣ୍ଡାଲକୁ ଆସୁଥିବାର ଭିଡିଓ ଭାଇରାଲ ହେଉଛି | ରଣବୀର କପୁର, ଜୟା ବଚ୍ଚନଙ୍କଠାରୁ ଆରମ୍ଭ କରି ସୁମୋନା ଚକ୍ରବର୍ତ୍ତୀ, ବତ୍ସଲ ସେଠ ଏବଂ ଇଶିତା ଦତ୍ତା ଦର୍ଶନ ପାଇଁ ଆସିଥିବାର ଭିଡିଓ ଭାଇରାଲ ହୋଇସାରିଛି । ତେବେ ଏସବୁ ଭିଡିଓ ମଧ୍ୟରେ ଏବେ ଏକ ଭିଡିଓ ଖୁବ ଭାଇରାଲ, ଯେଉଁଥିରେ କାଜୋଲ ରାଗରେ ପାଟି କରୁଥିବା ଦେଖାଯାଇଛି | କାଜୋଲଙ୍କ ଏଭଳି ଅବତାର ଦେଖି ଲୋକେ ତାଙ୍କୁ ନୂତନ ଜୟା ବଚ୍ଚନ ବୋଲି କହିବା ଆରମ୍ଭ କରିଛନ୍ତି। 

ସୂଚନା ମୁତାବକ, ପୂଜା ପେଣ୍ଡାଲକୁ କିଛି ଲୋକ ଚପଲ ପିନ୍ଧି ଆସୁଥିବା ଦେଖି ରାଗିଯାଇଥିଲେ କାଜୋଲ | ଏହା ପରେ ମାଇକ ଧରି ସେ ଚପଲ ପିନ୍ଧିଥିବା ଲୋକଙ୍କୁ ପେଣ୍ଡାଲ ବାହାରକୁ ଯିବାକୁ କହିଥିଲେ | ତାଙ୍କର ଏହି ଭିଡିଓ ଦେଖି ଏବେ ଲୋକେ ତାଙ୍କୁ ଟ୍ରୋଲ୍ କରିବା ଆରମ୍ଭ କରିଛନ୍ତି |