ମୁମ୍ବାଇ : କିଛି ଦିନ ତଳେ ରିଲିଜ୍‌ ହୋଇଥିବା ଫିଲ୍ମ ହେଲିକପ୍ଟର ଇଲ୍ଲାକୁ ଦର୍ଶକଙ୍କ ଭଲ ପାଇବା ମିଳିବା ପରେ ଖୁସି ଅଛନ୍ତି ଅଭିନେତ୍ରୀ କାଜୋଲ । ଏ ନେଇ କାଜୋଲ ସମସ୍ତଙ୍କୁ ଧନ୍ୟବାଦ୍‌ ଜଣାଇବା ସହ ଏକ ରାଜ୍‌ର ଖୁଲାସା କରିଛନ୍ତି । ଏମିତି ଅନେକ ଅଛନ୍ତି ଯେଉଁମାନେ କାଜୋଲଙ୍କୁ ନିଜର ଆଦର୍ଶ ମାନି ହିନ୍ଦୀ ଫିଲ୍ମ ଇଣ୍ଡଷ୍ଟ୍ରିକୁ ଆସିଛନ୍ତି । କିନ୍ତୁ ତାଙ୍କ ପ୍ରଶଂସକମାନଙ୍କୁ ଛାଡ଼ି କିଛି ଏମିତି ଲୋକ ଅଛନ୍ତି ଯେଉଁମାନେ ତାଙ୍କ ଅଭିନୟ ଏବଂ ତାଙ୍କ ଫିଲ୍ମକୁ ପସନ୍ଦ କରନ୍ତି ନାହିଁ । ଏକ ସାକ୍ଷାତକାରରେ ଏ ବିଷୟ ଜଣାଇଛନ୍ତି କାଜୋଲ ।

Advertisment

publive-image NDTV.com

ତାଙ୍କ କହିବା ଅନୁଯାୟୀ, ମୋର ଦୁଇ ପୁଅ ଝିଅ ହିଁ ମୋ ଫିଲ୍ମ ଦେଖିବା ପାଇଁ ପସନ୍ଦ କରନ୍ତି ନାହିଁ । ମୁଁ ଭଲ ଅଭିନୟ କରେ ନାହିଁ ଏବଂ ଫିଲ୍ମରେ ଅଧିକ କାନ୍ଦୁଥିବାରୁ ସେମାନେ ମୋ ଫିଲ୍ମ ଦେଖିବାକୁ ପସନ୍ଦ କରନ୍ତି ନାହିଁ । ମୋ ପିଲାମାନଙ୍କୁ ‘ଗୋଲମାଲ୍‌’ ଭଳି ଫିଲ୍ମ ଦେଖିବାକୁ ପସନ୍ଦ କରୁଛନ୍ତି । ସେଥିପାଇଁ ମୁଁ ଆଗକୁ ‘ଗୋଲମାଲ୍‌’ ଭଳି ଫିଲ୍ମ କରିବାକୁ ଚେଷ୍ଟା କରିବି ବୋଲି କାଜୋଲ କହିଥିଲେ ।