ମୁମ୍ବାଇ: କମାଲ ରସିଦ ଖାନ ସବୁବେଳେ ତାଙ୍କ ଚଳଚ୍ଚିତ୍ର ସମୀକ୍ଷା ପାଇଁ ଚର୍ଚ୍ଚାରେ ରହିଥାନ୍ତି। କେତେବେଳେ ସେ କୌଣସି ଫିଲ୍ମକୁ ସମାଲୋଚନା କରନ୍ତି ତ କେତେବେଳେ କୌଣସି ଅଭିନେତାଙ୍କୁ। ଏଥିପାଇଁ ତାଙ୍କୁ ଟ୍ରୋଲ ମଧ୍ୟ ହେବାକୁ ପଡେ। ତେବେ ସବୁବେଳେ ଫିଲ୍ମକୁ ନେଇ ନିଜ ପ୍ରତିକ୍ରିୟା ରଖୁଥିବା କମାଲ ଏବେ ମୁସଲମାନମାନଙ୍କୁ ହିନ୍ଦୁ ଧର୍ମ ଗ୍ରହଣ କରିବାକୁ କହିଛନ୍ତି। ଟ୍ବିଟ କରି ସେ ଏଭଳି ଲେଖିଥିବା ଦେଖାଯାଇଛି। ଭାରତରେ ମୁସଲମାନମାନେ ସୁରକ୍ଷିତ ନଥିବା କହି ସେ ଏଭଳି କରିବାକୁ ପରାମର୍ଶ ଦେଇଛନ୍ତି।

Advertisment

ସେ କରିଥିବା ଟ୍ବିଟରେ ଲେଖାଯାଇଛି ଯେ, “ମୁଁ ଭାରତର ସମସ୍ତ ମୁସଲମାନମାନଙ୍କୁ ହିନ୍ଦୁ ଧର୍ମ ଗ୍ରହଣ କରିବାକୁ ପରାମର୍ଶ ଦେଉଛି କାରଣ କୌଣସି ଧର୍ମ ଅପେକ୍ଷା ଆପଣଙ୍କ ପରିବାର ଏବଂ ପିଲାମାନଙ୍କର ଜୀବନ ଅଧିକ ଗୁରୁତ୍ୱପୂର୍ଣ୍ଣ। ଆମେ ଭାରତୀୟ ମୁସଲମାନମାନେ ଆରବ ପାଇଁ ଧର୍ମ ପରିବର୍ତ୍ତନ କଲେ। ହେଲେ ବର୍ତ୍ତମାନ ଆରବ ଦେଶ ଇସଲାମକୁ ସୁରକ୍ଷା କରିବା ପାଇଁ ପ୍ରସ୍ତୁତ ନୁହଁନ୍ତି। ସେଥିପାଇଁ ତୁମ ପରିବାରକୁ ବଞ୍ଚାଇବା ପାଇଁ ପୁନର୍ବାର ଧର୍ମ ପରିବର୍ତ୍ତନ କରିବା ଭୁଲ୍ ନୁହେଁ।