୨୭ରେ ‘କାନ୍ଦ ମାଷ୍ଟ୍ରେ’

ଓଡ଼ିଶାରେ ସାଧାରଣତଃ ଝିଅମାନେ ବାପଘରୁ ବିଦାୟ ନେବା ବେଳେ ବାପା-ମା’ ଓ ବନ୍ଧୁବାନ୍ଧବଙ୍କୁ ଧରି କାନ୍ଦିଥାଆନ୍ତି। ତେବେ ଏହି ପରମ୍ପରା ଧୀରେଧୀରେ ଏକ ପ୍ରକାର ଲୋପ ପାଇବାକୁ ବସିଲାଣି। ଏବେ ଏଭଳି ଦୃଶ୍ୟ କମ୍ ଦେଖିବାକୁ ମିଳୁଛି। ଓଡ଼ିଶାର ଏହି ପରଂପରାକୁ ନେଇ ନିର୍ମିତ ହୋଇଛି ଓଡ଼ିଆ ଛବି ‘କାନ୍ଦ ମାଷ୍ଟ୍ରେ’। 

Narendra Modi: ଦୃଢ଼ ଡାଟା ପ୍ରଶାସନର ଆବଶ୍ୟକତା ଉପରେ ପ୍ରଧାନମନ୍ତ୍ରୀ ମୋଦୀଙ୍କ ଗୁରୁତ୍ୱାରୋପ

ବିଶ୍ବଜିତ୍‌ ଇତିଶ୍ରୀ ସିନେମା ବ୍ୟାନରରେ ନିର୍ମିତ ଏହି ଛବିର ପ୍ରଯୋଜନା ଓ ନିର୍ଦ୍ଦେଶନା ଭାର ଗ୍ରହଣ କରିଛନ୍ତି ବିଶ୍ବଜିତ ପଣ୍ଡା ଏବଂ କ୍ରିଏଟିଭ ପ୍ରଡ୍ୟୁସର ଅଛନ୍ତି ଇତିଶ୍ରୀ ପାଣିଗ୍ରାହୀ। ଏହାର କାହାଣୀ ଓ ସଂଳାପ ଜଣାଶୁଣା ନାଟ୍ୟକାର ତଥା ସାମ୍ବାଦିକ ଜାକିର ଖାନ୍‌ ଲେଖିଥିବା ବେଳେ ଚିତ୍ରନାଟ୍ୟରେ ଅଛନ୍ତି ଜାକିର ଓ ନିର୍ଦ୍ଦେଶକ ବିଶ୍ବଜିତ। 

Dharmendra Pradhan: ଦ୍ୱିପାକ୍ଷିକ ଏକାଡେମିକ, ଗବେଷଣା ସହଯୋଗ ଅଧିକ ସୁଦୃଢ଼ ହେବ: ଧର୍ମେନ୍ଦ୍ର

‘କାନ୍ଦ ମାଷ୍ଟ୍ରେ’ରେ ଲିପ୍‌ସା ମିଶ୍ର, ବିଭୁ ପ୍ରସାଦ, ପୃଥ୍ବୀରାଜ ନାୟକ, ଧରିତ୍ରୀ ଖଣ୍ଡୁଆଳ ଓ ଶ୍ବେତାଶ୍ରୀ ପାଢ଼ୀ ପ୍ରମୁଖ ଗୁରୁତ୍ବପୂର୍ଣ୍ଣ ଭୂମିକାରେ ଅଛନ୍ତି। ସ୍ବର୍ଣ୍ଣ ପ୍ରସାଦ ସିନେମାଟୋଗ୍ରାଫି କରିଥିବା ବେଳେ ସମ୍ପାଦନା କରିଛନ୍ତି କୃତାର୍ଥ ଚିତ୍ତରଞ୍ଜନ ନାଟେକର ଓ ମଣ୍ଟୁ। ବିକାଶ ଦାସ ଓ ଶାନ୍ତନୁ ନାୟକ ଏହାର ସ୍ବର ସଂଯୋଜନା କରିଥିବା ବେଳେ ବାପୁ ଗୋସ୍ୱାମୀ ଓ ସନ୍ତୋଷ ନାୟକ ଗୀତ ରଚନା କରିଛନ୍ତି। ଚଳିତ ମାସ ୨୭ ତାରିଖରେ ଏହା ପ୍ରେକ୍ଷାଳୟରେ ମୁକ୍ତିଲାଭ କରିବ।