‘ଘରେ ପଶିଲେ ଗୁଳି ଖାଇବ, ଯଦି ବଞ୍ଚିଗଲ, ଗୁଳି ମାରିବୁ’ କଙ୍ଗନା ଘର ବାହାରେ ଲଗାଇଲେ ଏଭଳି ବୋର୍ଡ
ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରାନାୱତ କେବଳ ଅଭିନୟ ପାଇଁ ପ୍ରସିଦ୍ଧ ନୁହଁନ୍ତି ବରଂ ନିଜର ଖୁଲମଖୁଲା ବୟାନ ପାଇଁ ମଧ୍ୟ ସବୁବେଳେ ଚର୍ଚ୍ଚାରେ ଥାଆନ୍ତି | ସେ ବିଭିନ୍ନ ପ୍ରସଙ୍ଗରେ ଖୋଲାଖୋଲି କହିଥାନ୍ତି ଓ ଅନ୍ୟକୁ ସମାଲୋଚନା କରିବାକୁ ଡରନ୍ତି ନାହିଁ | ତେବେ ବର୍ତ୍ତମାନ କଙ୍ଗନା ରାନାୱତ ସୋସିଆଲ ମିଡିଆରେ ତାଙ୍କ ମୁମ୍ବାଇ ଘରର ଏକ ଭିଡିଓ ସେୟାର କରିଛନ୍ତି ଯେଉଁଥିରେ ଏକ ବୋର୍ଡ ଦେଖିବାକୁ ମିଳିଛି । ଏହି ବୋର୍ଡରେ ଏମିତି କିଛି ଲେଖା ହୋଇଛି, ଯାହାକୁ ପଢି ଆପଣ ଆଶ୍ଚର୍ଯ୍ୟ ହୋଇଯିବେ |
Sambad is now on WhatsApp
Join and get latest news updates delivered to you via WhatsApp
କଙ୍ଗନା ରାନାୱତ ତାଙ୍କ ଘରର ଏକ ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି ଯେଉଁଥିରେ ବିନା ଅନୁମତିରେ ଘରେ ପ୍ରବେଶ କରୁଥିବା ବ୍ୟକ୍ତିଙ୍କ ପାଇଁ ବୋର୍ଡରେ ସତର୍କ ସୂଚନା ଲେଖାଯାଇଛି | ବୋର୍ଡରେ ଲେଖାଯାଇଛି,ଯେ “ବିନା ଅନୁମତିରେ ଅନୁପ୍ରବେଶ ନିଷେଧ | ଏହାକୁ ଉଲ୍ଲଂଘନ କଲେ ଗୁଳି ଖାଇବ ଏବଂ ଯଦି କେହି ବଞ୍ଚିଯିବେ ତେବେ ସେମାନଙ୍କୁ ପୁଣି ଗୁଳି କରାଯିବ’। ଏହାକୁ ଦେଖି ସୋସିଆଲ ମିଡ଼ିଆ ୟୁଜର୍ସ ଆଶ୍ଚର୍ଯ୍ୟ ହୋଇଯାଇଛନ୍ତି | ଉଲ୍ଲେଖ ଥାଉ କି କଙ୍ଗନାଙ୍କୁ ଖୁବଶୀଘ୍ର ‘ଚନ୍ଦ୍ରମୁଖୀ ୨’ରେ ଦେଖିବାକୁ ମିଳିବ | ଏହା ହିଟ୍ ତାମିଲ ଫିଲ୍ମ ଚନ୍ଦ୍ରମୁଖୀର ସିକ୍ୱେଲ ହୋଇଥିବାବେଳେ ‘ଏମର୍ଜେନ୍ସି’ରେ ବି ସେ ନଜର ଆସିବେ | ଯାହାକୁ ସେ ନିଜେ ନିର୍ଦ୍ଦେଶନା ଦେଇଛନ୍ତି |