ଭିନ୍ନ ମୋଡ଼ ନେଲା ବିବାଦ: ସାମ୍ବାଦିକଙ୍କ ବିରୋଧରେ ମାନହାନୀ ମକଦ୍ଦମା କଲେ କଙ୍ଗନା
ମୁମ୍ବାଇ: ବଲିଉଡ୍ ଅଭିନେତା ରାଜକୁମାର ରାଓ ଏବଂ ଅଭିନେତ୍ରୀ କଙ୍ଗନା ରାଣାଓ୍ଵତଙ୍କ ଅଭିନୀତ ଫିଲ୍ମ ଜଜମେଣ୍ଟାଲ ହେ କ୍ୟାର ଗୀତ ଲଞ୍ଚ ଇଭେଣ୍ଟରେ ବଡ଼ ଅଘଟଣା ଘଟିଥିଲା । ପ୍ରଶ୍ନ କରିବା ପୂର୍ବରୁ ଜଣେ ସାମ୍ବାଦିକଙ୍କ ଉପରେ ପୁରୁଣା କଥାକୁ ନେଇ ବଚସା କରିବା ଏବଂ ତାଙ୍କୁ ଅସମ୍ମାନ କରିବା ଆରମ୍ଭ କରି ଦେଇଥିଲେ କଙ୍ଗନା । ଯାହା ପରେ ସାମ୍ବାଦିକ ଜଣଙ୍କ ଫିଲ୍ମକୁ ବୟକଟ କରିବା କଥା କହିବା ସହ କଙ୍ଗନାଙ୍କୁ କ୍ଷମା ମାଗିବାକୁ କହିଥିଲେ । ଏବେ ଏହି ଘଟଣାରେ ଏକ ନୂଆ ମୋଡ଼ ଆସିଛି । କଙ୍ଗନାଙ୍କ ଓକିଲ ବୟକଟ କରିବାର ଧମକ ଦେଇଥିବା ସାମ୍ବାଦିକ ଜଷ୍ଟିନ ରାଓଙ୍କ ବିରୋଧରେ ମାନହାନୀର ନୋଟିସ ଜାରି କରିଥିବା ଜଣା ପଡ଼ିଛି । ଏହି ନୋଟିସରେ କୁହାଯାଇଛି କି, କିଛି ଏମିତି ସାମ୍ବାଦିକ ଅଛନ୍ତି ଯେଉଁମାନେ ସାମ୍ବାଦିକତା ମାନଦଣ୍ଡକୁ ଉଲ୍ଲଂଘନ କରି ଅପରାଧିକ କାମ କରୁଛନ୍ତି । କିଛି ସାମ୍ବାଦିକ ଖୋଲା ଖୋଲି ଭାବରେ ନିଜ କ୍ଲାଏଣ୍ଟକୁ ଅପମାନିତ କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
Sir yeh dukan ko band karvayeinge aur inko jail bhi bhijvayeinge criminal kahin ke, how dare they threaten defame and intimidate Kangana … pic.twitter.com/W6Scuy3DWS
— Rangoli Chandel (@Rangoli_A) July 11, 2019
ସୂଚନା ମୁତାବକ, ଗୀତ ଲଞ୍ଚ ଇଭେଣ୍ଟରେ କଙ୍ଗନାଙ୍କ ସହ ବଚସା ହେବା ପରେ ସାମ୍ବାଦିକ ଜଣଙ୍କ ଫିଲ୍ମକୁ ବୟକଟ କରିବା କଥା କହିବା ସହ କଙ୍ଗନାଙ୍କୁ କ୍ଷମା ମାଗିବାକୁ କହିଥିଲେ । ଯାହା ପରେ ଏହି ଘଟଣାକୁ ନେଇ ଏକତା କପୁରଙ୍କ ପ୍ରଯୋଜନା ସଂସ୍ଥା ଅଲ୍ଟ ବାଲାଜୀ ପକ୍ଷରୁ କ୍ଷମା ପ୍ରାର୍ଥନା କରାଯାଇଥିଲା । କିନ୍ତୁ ପରେ କଙ୍ଗନା ଏକ ଭିଡିଓ ଜାରି କରି ସାମ୍ବାଦିକଙ୍କୁ ରାଷ୍ଟ୍ର ବିରୋଧି ବୋଲି କହିଥିଲେ । ବିବାଦ ଥମିବାକୁ ଯାଉଥିବା ବେଳେ କଙ୍ଗନା ଚୁପ୍ ନ ବସି ଏବେ ମାନହାନୀ ନୋଟିସ ପଠାଇଛନ୍ତି ।