/sambad/media/agency_attachments/2024-07-24t043029592z-sambad-original.webp)
/sambad/media/media_files/qRhX0p4W9QO2IMDiOIN7.jpg)
ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରାନାୱତ ଏବେ ନିଜ ଆଗାମୀ ଚଳଚ୍ଚିତ୍ର 'ଏମରଜେନ୍ସି' ର ପ୍ରମୋସନରେ ବ୍ୟସ୍ତ ଅଛନ୍ତି | ଏହି ଚଳଚ୍ଚିତ୍ରରେ ସେ ପୂର୍ବତନ ଦିବଂଗତ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରୁଛନ୍ତି। ଫିଲ୍ମ ପାଇଁ କଙ୍ଗନା ଏବେ କ୍ରମାଗତ ଭାବରେ ବିଭିନ୍ନ ସାକ୍ଷାତକାରରେ ନଜର ଆସୁଥିବା ଦେଖାଯାଉଛି | ସାକ୍ଷାତକାରରେ ଫିଲ୍ମ ବ୍ୟତୀତ ସେ ତାଙ୍କ ବ୍ୟକ୍ତିଗତ-ବୃତ୍ତିଗତ ଜୀବନ ବିଷୟରେ ଖୋଲାଖୋଲି ଭାବରେ କହୁଥିବା ଦେଖିବାକୁ ମିଳିଛି | ଏବେ କଙ୍ଗନା 'ଆପ୍ କି ଅଦାଲତ'କୁ ଯାଇଥିବା ବେଳେ ତାଙ୍କୁ ତାଙ୍କ ପୁରୁଣା ଏକ୍ସ ପୋଷ୍ଟକୁ ନେଇ ପ୍ରଶ୍ନ କରାଯାଇଥିଲା, ଯାହାର ଭିଡିଓ ଏବେ ଭାଇରାଲ ହେଉଛି।
ଅଗଷ୍ଟ ୯, ୨୦୨୦ରେ କଙ୍ଗନା ଏକ୍ସରେ ପୋଷ୍ଟ କରିଥିଲେ ଯେ, “ରଣବୀର କପୁର ଅନେକ ମହିଳାଙ୍କ ସହ ଶାରୀରିକ ସମ୍ପର୍କ ରଖିଛନ୍ତି। କିନ୍ତୁ କେହି ତାଙ୍କୁ ଦୁଷ୍କର୍ମକାରୀ ବୋଲି କହିବାକୁ ସାହସ କରନ୍ତି ନାହିଁ। ଦୀପିକା ଜଣେ ଆତ୍ମ ଘୋଷିତ ମାନସିକ ରୋଗୀ । କିନ୍ତୁ କେହି ତାଙ୍କୁ ପାଗଳ ଡାକନ୍ତି ନାହିଁ। ବଲିଉଡରେ ଏହି ନାମ କେବଳ ଛୋଟ ସହରରୁ ସଂଘର୍ଷ କରିବା ପାଇଁ ଆସିଥିବା କଳାକାରଙ୍କୁ ଦିଆଯାଏ। "
Ranbir Kapoor is a serial skirt chaser but no one dare call him a rapist, Deepika is a self proclaimed mental illnesses patient but no one calls her a psycho or a witch,this name calling is reserved only for extra ordinary outsiders who come from small towns and humble families. https://t.co/gJ2AFWtxYK
— Kangana Ranaut (@KanganaTeam) August 9, 2020
ତାଙ୍କର ଏହି ପୋଷ୍ଟକୁ ନେଇ 'ଆପ୍ କି ଅଦାଲତ'ରେ ତାଙ୍କୁ ପ୍ରଶ୍ନ କରାଯିବାରୁ ସେ ହସି ହସି କହିଥିଲେ ଯେ, ଆପଣ ଏମିତି ପଚାରୁଛନ୍ତି ଯେମିତି ସେ ସ୍ବାମୀ ବିବେକାନନ୍ଦ। ସୋ’ର ଟିଜରରେ କଙ୍ଗନା ଏଭଳି କହୁଥିବା ଦେଖିବାକୁ ମିଳିଛି।
ଏ ଖବର ପଢ଼ନ୍ତୁ- https://sambad.in/special/neet-ug-success-story-of-sunny-kumar-who-cracked-neet-ug-he-also-sells-samosa-6939286