ବାୟୁସେନାର ଏୟାର ଷ୍ଟ୍ରାଇକ୍ ପରେ କଙ୍ଗନାଙ୍କ ପ୍ରତିକ୍ରିୟା : ଯିଏ ଏହି ଦେଶକୁ ଆଖି ଉଠାଇ ଦେଖିବ, ତା’ର ଆଖି କାଢ଼ି ନିଆଯିବ
ମୁମ୍ବାଇ : ମଙ୍ଗଳବାର ଭୋର ୩.୩୦ମିନିଟ୍ ସମୟରେ ଭାରତ ପାକିସ୍ତାନଠାରୁ ପୁଲଓ୍ଵାମା ଆକ୍ରମଣର ପ୍ରତିଶୋଧ ନେଇଛି । ଏହି ଆକ୍ରମଣରେ ୧୨ଟି ମିରେଜ୍ ୨୦୦୦ଲଢ଼ୁଆ ବିମାନ ବ୍ୟବହାର କରାଯାଇଥିବା ବେଳେ ଜୈସ୍-ଏ-ମହମ୍ମଦର କ୍ୟାମ୍ପ ଉପରେ ୧୦୦୦କିଲୋ ଓଜନର ବମ୍ ପକା ଯାଇଥିଲା । ଆକ୍ରମଣ ପରେ ପାକିସ୍ତାନର ପ୍ରାୟ ୩୦୦ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ଖବର ପ୍ରସାରଣ ହେବା ପରେ ଭାରତବାସୀଙ୍କ ମନରେ ଉଠିଥିବା ପ୍ରତିଶୋଧର ନିଆଁ ଏବେ ଲିଭିିବା ସହ ସେମାନଙ୍କ ମନକୁ ଶାନ୍ତି ମିଳିିଛି । କଳାକାରମାନଙ୍କଠାରୁ ଆରମ୍ଭ କରି ସାଧାରଣ ଲୋକାମାନଙ୍କ ପର୍ଯ୍ୟନ୍ତ ସମସ୍ତେ ବାୟୁସେନାର ଏଭଳି ପରାକ୍ରମକୁ ପ୍ରଶଂସା କରିବାରେ ଲାଗିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ଵତ୍ ମଧ୍ୟ ଏକ ସାକ୍ଷାତକାରରେ ଭାରତୀୟ ବାୟୁସେନାକୁ ପ୍ରଶଂସା କରିବା ସହ, “ମୁଁ ଭାରତୀୟ ବାୟୁସେନାକୁ ସଲାମ୍ କରୁଛି, ଯିଏ ପ୍ରକୃତ ହିରୋ ଭାବରେ ଏୟାର ଷ୍ଟ୍ରାଇକ୍ କରିଛନ୍ତି । ମାନନୀୟ ପ୍ରଧାନମନ୍ତ୍ରୀ ମୋଦି ନିର୍ଣ୍ଣାୟକ କାର୍ଯ୍ୟାନୁଷ୍ଠାନ ଗ୍ରହଣ କରିଥିବାରୁ ତାଙ୍କୁ ଧନ୍ୟବାଦ୍ ଜଣାଉଛି । ଆତଙ୍କବାଦୀଙ୍କ ବିରୋଧରେ ଆମର ଲଢ଼େଇ ଆରମ୍ଭ ହୋଇ ସାରିଛି । ଯାହାଦ୍ୱାରା ଶତ୍ରୁକୁ ସ୍ପଷ୍ଟ ସନ୍ଦେଶ ମିଳିଛି କି, ଯିଏ ବି ଏହି ଦେଶକୁ ଖରାପ ନଜରରେ ଦେଖିବ, ତା’ର ଆଖି କାଢ଼ି ନିଆଯିବ” ବୋଲି କହିଛନ୍ତି କଙ୍ଗନା ।