କୃଷକ ଆନ୍ଦୋଳନକୁ ନେଇ ବି’ ଟାଉନ୍‌ର ଦୁଇ ପ୍ରମୁଖ ଅଭିନେତ୍ରୀ କଙ୍ଗନା ରଣାଵତ୍ ଓ ତାପସୀ ପନ୍ନୁ ପୁଣିଥରେ ସାମାଜିକ ଗଣମାଧ୍ୟମରେ ମୁହାଁମୁହିଁ ହୋଇଛନ୍ତି। ଗତକିଛି ଦିନ ତଳେ କଙ୍ଗନା ଟ୍ବିଟ୍ କରି ତାପସୀଙ୍କୁ ବି ଗ୍ରେଡ୍ କହିବା ସହିତ ମାଗଣାଖିଆ ଓ ମୁର୍ଖ ବୋଲି କହିଥିଲେ। ଆଜି ତାପସୀ ପ୍ରତିଜବାବରେ କଙ୍ଗନାଙ୍କ ଡିଏନ୍‌ଏକୁ ବିଷମୟ ବୋଲି କହିଛନ୍ତି। ଆଉ ଏହି ଦୁହିଁଙ୍କୁ ଝଗଡ଼ା ଏବେ ସାମାଜିକ ଗଣମାଧ୍ୟମରେ ଚର୍ଚ୍ଚାର ପ୍ରସଙ୍ଗ ପାଲଟିଛି। ଉଭୟଙ୍କ ପ୍ରଶଂସକ ପରସ୍ପରଙ୍କୁ ଉପହାସ କରିବା ସହିତ ଆକ୍ଷେପ କରୁଛନ୍ତି। ତେବେ ଏହି ଝଗଡ଼ା ଏତେ ନୀଚ ସ୍ତରକୁ ଖସିଯାଇଛି ଯେ ପରସ୍ପର ଖରାପ ଭାଷାରେ ତଥା ପରିବାର ଲୋକଙ୍କ ପ୍ରତି ଅପଶବ୍ଦ ବ୍ୟବହାର କରୁଥିବା ଦେଖାଦେଇଛି।