ଏହି ମାମଲାରେ କେଜିଏଫ-୧କୁ ପଛରେ ପକାଇଲା ‘କନ୍ତାରା’
ବାଙ୍ଗାଲୋର: ଋଷଭ ସେଟ୍ଟୀଙ୍କ ଫିଲ୍ମ ‘କନ୍ତାରା’ ବକ୍ସ ଅଫିସରେ ଦର୍ଶକଙ୍କ ମନ ଜିଣୁଥିବା ଦେଖିବାକୁ ମିଳୁଥିବାବେଳେ ନୂଆ ଇତିହାସ ସୃଷ୍ଟି କରୁଛି। ଏହି ଚଳଚ୍ଚିତ୍ର ରୋଜଗାର ଦୃଷ୍ଟିରୁ ନୂଆ ରେକର୍ଡ ସୃଷ୍ଟି କରିଛି | ରିପୋର୍ଟ ଅନୁଯାୟୀ, ‘କେଜିଏଫ ୨’ ପରେ କନ୍ନଡରେ ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ତାଲିକାରେ କନ୍ତାରା ସାମିଲ ହୋଇଛି | ଆଉ ରୋଜଗାର ଦୃଷ୍ଟିରୁ ଦେଖିବାକୁ ଗଲେ ଏହା ‘କେଜିଏଫ୍ ୧’ କୁ ଅତିକ୍ରମ କରିଛି। ଦୀପାବଳି ସପ୍ତାହ ଶେଷ ସୁଦ୍ଧା ଫିଲ୍ମର ମୋଟ ବକ୍ସ ଅଫିସ୍ ଆୟ ୧୭୦ କୋଟିରେ ପହଞ୍ଚିଛି |
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ‘କନ୍ତାରା’ ଚତୁର୍ଥ ସପ୍ତାହ ଶେଷ ହେବା ପୂର୍ବରୁ ୨୦୦ କୋଟି ଟଙ୍କା ଆୟ କରିପାରେ | ‘କନ୍ତାରା’ ଏପର୍ଯ୍ୟନ୍ତ କର୍ଣ୍ଣାଟକରେ ପ୍ରାୟ ୧୧୧ କୋଟି ଟଙ୍କା ଆୟ କରିଛି, ସେଥିମଧ୍ୟରୁ ଚତୁର୍ଥ ସପ୍ତାହରେ ୧୪ କୋଟି ଟଙ୍କା ରୋଜଗାର କରିଛି, ଯାହା ‘କେଜିଏଫ୍’ର ଚତୁର୍ଥ ସପ୍ତାହ ଆୟର ଦୁଇଗୁଣ ବୋଲି ଜଣାପଡିଛି। ୟଶଙ୍କ ଫିଲ୍ମ ‘କେଜିଏଫ୍ ୨’ ବକ୍ସ ଅଫିସରେ ବିପୁଳ ରୋଜଗାରର ରେକର୍ଡ ସୃଷ୍ଟି କରିଥିଲା ଏବଂ କନ୍ନଡ଼ରେ ରୋଜଗାର କ୍ଷେତ୍ରରେ ଏହି ଚଳଚ୍ଚିତ୍ରଟି ଏବେ ମଧ୍ୟ ୧ ନମ୍ବରରେ ରହିଛି।
କନ୍ନଡ ଭାଷାର ଲୋକପ୍ରିୟତା ଏବଂ ସଫଳତାକୁ ଦେଖି ଋଷଭ ଶେଟ୍ଟୀଙ୍କ ଫିଲ୍ମ ‘କନ୍ତାରା’ ମଧ୍ୟ ଅକ୍ଟୋବର ୧୪ ରେ ହିନ୍ଦୀ ଭାଷାରେ ମୁକ୍ତିଲାଭ କରିଥିଲା। ତାମିଲ ଏବଂ ତେଲୁଗୁ ଭାଷାରେ ୧୫ ଅକ୍ଟୋବରରେ ପ୍ରେକ୍ଷାଳୟରେ ଏବଂ ୨୦ ଅକ୍ଟୋବରରେ ମାଲାୟାଲମ୍ ଭାଷାରେ ମୁକ୍ତିଲାଭ କରିଥିଲା | ଚଳଚ୍ଚିତ୍ର ‘କନ୍ତାରା’ର କାହାଣୀ ବିଷୟରେ କହିବାକୁ ଗଲେ ଏଥିରେ ପୁରାଣ, କିମ୍ବଦନ୍ତୀ ଏବଂ ଅନ୍ଧବିଶ୍ୱାସର କାହାଣୀ ଦେଖାଯାଇଛି | ଏହାର କାହାଣୀ ରୀତିନୀତି ଏବଂ ପରମ୍ପରା, ଲୁକ୍କାୟିତ ଧନ ଉପରେ ଆଧାରିତ |