ବିବାଦରେ ଚଳଚ୍ଚିତ୍ର ‘କାନ୍ତାରା’
ସେପ୍ଟେମ୍ବର ୩୦ରେ ରିଲିଜ୍ ହେବା ଦିନଠାରୁ ଋଷବ ଶେଟ୍ଟୀଙ୍କ ବ୍ଲକବଷ୍ଟର କନ୍ନଡ ଚଳଚ୍ଚିତ୍ର ‘କାନ୍ତାରା’ ଏହାର ମୂଳ କାହାଣୀ, ଚମତ୍କାର ଭିଜୁଆଲ୍ ଏବଂ ସଙ୍ଗୀତ ପାଇଁ ଉପକୂଳ କର୍ଣ୍ଣାଟକର ପରମ୍ପରା ଏବଂ ରୀତିନୀତିକୁ ଜୀବନ୍ତ କରିଆସୁଛି। ସମାଲୋଚକ ଏବଂ ଦର୍ଶକଙ୍କ ଉଚ୍ଚ ପ୍ରଶଂସା ମଧ୍ୟରେ ଆଜି କେରଳ ଭିତ୍ତିକ ମ୍ୟୁଜିକ୍ ବ୍ୟାଣ୍ଡ ଥାଇକୁଦମ୍ ବ୍ରିଜ୍ ନିର୍ମାତାଙ୍କ ବିରୋଧରେ ଚୋରି ଏବଂ କପିରାଇଟ୍ ଉଲ୍ଲଂଘନ ଅଭିଯୋଗ କରିବା ପରେ ଫିଲ୍ମଟି ବର୍ତ୍ତମାନ ବିବାଦରେ ଛନ୍ଦି ହୋଇପଡିଛି।
Sambad is now on WhatsApp
Join and get latest news updates delivered to you via WhatsApp
ଏହି ବିଷୟରେ ବ୍ୟାଣ୍ଡ ସୋସିଆଲ ମିଡିଆରେ ଏକ ବିବୃତ୍ତି ଦେଇଛନ୍ତି। ‘କାନ୍ତାରା’ର ବର୍ତ୍ତମାନର ଲୋକପ୍ରିୟ ସଂଗୀତ ‘ବରାହ ରୂପମ୍’ ଏବଂ ସେମାନଙ୍କର ୨୦୧୭ ଟ୍ରାକ୍ ‘ନବରସମ୍’ ମଧ୍ୟରେ ସମାନତା ଥିବା ସୂଚନା ଦେଇ ଥାଇକୁଦମ୍ ବ୍ରିଜ୍ ‘କପିରାଇଟ୍ ଆଇନ ଉଲ୍ଲଂଘନ’ ହୋଇଛି ବୋଲି ଅଭିଯୋଗ କରିଛି। ତେଣୁ ‘କାନ୍ତାରା’ ଟିମ୍ ଏବଂ ଏହାର ନିର୍ମାତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରିବାକୁ ଥାଇକୁଦମ୍ ଇଚ୍ଛା ପ୍ରକଟ କରିଛି। ଅନୁପ୍ରାଣୀତ ଏବଂ ଚୋରି ମଧ୍ୟରେ ପାର୍ଥକ୍ୟ ଦର୍ଶାଇ ବ୍ୟାଣ୍ଡ ସଂଗୀତ ନିର୍ଦ୍ଦେଶକ ଅଜାନେଶ ଲୋକନାଥଙ୍କ ଦ୍ୱାରା ରଚିତ ‘ବରାହ ରୂପମ୍’କୁ ସେମାନଙ୍କର ବୌଦ୍ଧିକ ସମ୍ପତ୍ତି (ଆଇପି)ର ଚମତ୍କାର ତଥା ଅପରିହାର୍ଯ୍ୟ ସାମଞ୍ଜସ୍ୟ ସ୍ବତ୍ତ୍ବ ବୋଲି ଦାବି କରିଛି। ବ୍ୟାଣ୍ଡ ଜନସାଧାରଣଙ୍କ ସମର୍ଥନ ଲୋଡ଼ିଥିଲା ଏବଂ ଶ୍ରୋତାମାନଙ୍କୁ କପିରାଇଟ୍ ଉଲ୍ଲଂଘନ ବିରୋଧରେ ସ୍ୱର ଉତ୍ତୋଳନ କରିବାକୁ ଅନୁରୋଧ କରିଥିଲା।