ସାଥୀରେ ନଜର ଆସିବେ କପିଲ ଶର୍ମା ଏବଂ ସୁନୀଲ ଗ୍ରୋଭର, କିନ୍ତୁ ସହ କଳାକାର ଭାବରେ ନୁହେଁ…
ମୁମ୍ବାଇ: ଦୀର୍ଘ ଦିନର ଶତ୍ରୁତା ପରେ ଏବେ ପୁଣି ଥରେ ସ୍କ୍ରିନ୍ ସେୟାର କରିବାକୁ ଯାଉଛନ୍ତି ହାସ୍ୟ ଅଭିନେତା କପିଲ ଶର୍ମା ଏବଂ ସୁନୀଲ ଗ୍ରୋଭର । ଦୁହିଁଙ୍କ ମଧ୍ୟରେ ଝଗଡ଼ା ହୋଇ ସୁନୀଲ କପିଲଙ୍କ କମେଡି ସୋ’ ଛାଡ଼ି ଦେଇଥିଲେ । ଯାହା ପରେ କପିଲଙ୍କ ସୋ’ର ଟିଆର୍ପି କମିବା ସୋ’ ଧୀରେ ଧୀରେ କପିଲଙ୍କ ସୋ’ ବନ୍ଦ ହୋଇ ଯାଇଥିଲା । ଅନେକ ଦିନର ବ୍ୟବଧାନ ପରେ କପିଲ ପୁଣି ଥରେ ଡିସେମ୍ବରରେ ନିଜର ନୂଆ ସୋ’ ଆରମ୍ଭ କରିଥିଲେ । ବିବାହ ପରେ ତାଙ୍କ ସୋ’ର ପ୍ରସାରଣ ହୋଇଥିଲା । କିଛି ଦିନର ବ୍ୟବଧାନ ପରେ ଦର୍ଶକ ପୁଣି ଥରେ କପିଲଙ୍କୁ ଆପଣେଇବା ଆରମ୍ଭ କରିବା ସହ ତାଙ୍କ ସୋ’ର ଟିଆର୍ପି ବଢ଼ିଥିଲା । ଏବେ ସୋ’ର ଟିଆର୍ପି ବଢ଼ିବା ସହ ସୁନୀଲଙ୍କ ସହ ତାଙ୍କ ଶତ୍ରୁତାର ଅନ୍ତ ଘଟିଥିବା ଜଣା ପଡ଼ିଛି । ଏତେ ଦିନ ପରେ ଦୁହେଁ ସାଥୀରେ ସ୍କି୍ରନ ସେୟାର କରିବାକୁ ଯାଉଛନ୍ତି, କିନ୍ତୁ ସହ କଳାକାର ଭାବରେ ନୁହେଁ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୁନୀଲ ନିଜର ଆଗମୀ ଫିଲ୍ମ ‘ଭାରତ’ର ପ୍ରମୋସନ କରିବା ପାଇଁ ‘ଦ କପିଲ ଶର୍ମା ସୋ’ କୁ ଆସିବେ । ତାଙ୍କ ସହ ନଜର ଆସିବେ ଅଭିନେତା ସଲମାନ ଖାନ୍ ଏବଂ ଅଭିନେତ୍ରୀ କ୍ୟାଟ୍ରିନା କୈଫ୍ ।