ମୁମ୍ବାଇ: ଟେଲିପ୍ରମ୍ପଟର ଦେଖି ଡାଏଲଗ କୁହନ୍ତି ହାସ୍ୟ ଅଭିନେତା କପିଲ ଶର୍ମା। ଏବେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ କପିଲ ଟେଲିପ୍ରମ୍ପଟର ଦେଖି ଡାଏଲଗ କହୁଥିବା ଦେଖିବାକୁ ମିଳିିଛି। ଏହି ଭିଡିଓ ‌ଭାଇରାଲ ହେବା ପରେ ଲୋକେ କପିଲଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି। ତେବେ ଏହାକୁ ଦେଖି ଚୁପ ବସିନାହାନ୍ତି କପିଲଙ୍କ ପ୍ରଶଂସକ।

Advertisment

ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ କପିଲ କମେଡି କରୁଥିବା ଦେଖାଯାଇଛି। ଯେତେବେଳେ ସ୍କ୍ରିନ୍ ଜୁମ୍ କରାଯାଉଛି, ସେତେବେଳେ ୱିଣ୍ଡୋ ସ୍କ୍ରିନରେ ଟେଲିପ୍ରମ୍ପଟର ଥିବା ଦୃଶ୍ୟମାନ ହେଉଛି। ଏଥିରେ କପିଲ କହୁଥିବା ଡାଏଲଗ ସବୁ ଲେଖାଯାଇଛି। କପିଲଙ୍କ ଟେଲିପ୍ରମ୍ପଟର ବ୍ୟବହାରକୁ ନେଇ ଭିଡିଓ ସେୟାର କରିଥିବା ସୋସିଆଲ ମିଡିଆ ବ୍ୟବହାରକାରୀ ଆଶ୍ଚର୍ଯ୍ୟ ପ୍ରକଟ କରିଛନ୍ତି। ସୋସିଆଲ ମିଡିଆ ବ୍ୟବହାରକାରୀଜଣକ ଭାବୁଥିଲେ ଯେ କପିଲ ନିଜେ କାହାର ସାହାଯ୍ୟ ନନେଇ ସବୁ ଡାଏଲଗ କହିଥାନ୍ତି। ହେଲେ ସେ ଟେଲିପ୍ରମ୍ପଟର ବ୍ୟବହାର କରୁଥିବା ଜାଣି ଆଶ୍ଚର୍ଯ୍ୟ ହୋଇଯାଇଥିବା କହିଛନ୍ତି। ‌

ତେବେ କପିଲ ଟେଲିପ୍ରମ୍ପଟର ବ୍ୟବହାର କରୁଥିବା ନେଇ ଖୁଲାସା ହେବା ପରେ ଲୋକେ ତାଙ୍କୁ ଟ୍ରୋଲ କରିଛନ୍ତି। ହେଲେ ତାଙ୍କ ପ୍ରଶଂସକମାନେ ଏହା ଏକ ଆବଶ୍ୟକ ପ୍ରକ୍ରିୟା ବୋଲି କହି କପିଲଙ୍କ ସମର୍ଥନ କରିଛନ୍ତି।