ପାଣ୍ଡ୍ୟାଙ୍କ ପରେ ଏବେ ବିବାଦରେ କରଣ ଜୋହର: ଅନୁଷ୍କାଙ୍କୁ ନେଇ ଦେଇଥିବା ବୟାନ ପାଇଁ ହେଲେ ଟ୍ରୋଲ
ମୁମ୍ବାଇ : କିଛି ଦିନ ତଳେ ‘କଫି ଉଇଥ୍ କରଣ ସିଜିନ୍-୬’ରେ ଯୋଗ ଦେଇ ଭାରତୀୟ କ୍ରିକେଟର ହାର୍ଦ୍ଦିକ୍ ପାଣ୍ଡ୍ୟା ଏବଂ କେ.ଏଲ୍ ରାହୁଲ ଯେଉଁ ବିବାଦୀୟ ମନ୍ତବ୍ୟ ଦେଇଥିଲେ,ସେ ନେଇ ସେମାନଙ୍କୁ ଟ୍ରୋଲ ହେବାକୁ ପଡ଼ିଥିଲା । ଦୁହିଁଙ୍କ ମନ୍ତବ୍ୟକୁ ନେଇ ବିବାଦ ସୃଷ୍ଟି ହୋଇଥିବା ବେଳେ ଦୁହିଁଙ୍କୁ ଖେଳରୁ ବାସନ୍ଦ କରାଯାଇଥିଲା । କରଣଙ୍କ ପାଇଁ ଦୁହେଁ ବିବାଦରେ ଫସିଥିବା ବେଳେ ଏବେ କରଣ ନିଜର ମନ୍ତବ୍ୟ ପାଇଁ ବିବାଦରେ ଫସିଛନ୍ତି । ଫିଲ୍ମ ‘ଏ ଦିଲ୍ ହେ ମୁସ୍କିଲ’ରେ ଅନୁଷ୍କାଙ୍କ ଚରିତ୍ରକୁ ନେଇ ସେ ଯେଉଁ ମନ୍ତବ୍ୟ ରଖିଥିଲେ । ତାହାକୁ ନେଇ ସେ ଟ୍ରୋଲ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫିଲ୍ମ ‘ଏ ଦିଲ୍ ହେ ମୁସ୍କିଲ’ରେ ଫିଲ୍ମର ଶେଷ ଭାଗରେ ଅନୁଷ୍କା କର୍କଟ ରୋଗରେ ପୀଡ଼ିତ ହୋଇ ମୃତ୍ୟୁବରଣ କରିଥିବା ଦେଖା ଯାଇଥିଲା । ଏବେ ଫିଲ୍ମରେ ଅନୁଷ୍କାଙ୍କୁ ମରିବାର ଥିଲା କାରଣ ସେ ଅୟାନ(ରଣବୀର କପୁର)ଙ୍କୁ ଭଲ ପାଉ ନଥିଲେ ବୋଲି କହିଛନ୍ତି କରଣ । “ମୁଁ ଏହି ଚରିତ୍ରକୁ ଲେଖିଥିଲି । ଅୟାନ ତାଙ୍କୁ ଏତେ ଭଲ ପାଉଥିବା ବେଳେ ଅନୁଷ୍କା ତାଙ୍କୁ ଭଲ ପାଉ ନଥିଲେ । ଯାହା ପାଇଁ ତାଙ୍କୁ ଦଣ୍ଡ ମିଳିବାର ଥିଲା । ସେଥିପାଇଁ ଅନୁଷ୍କାଙ୍କୁ କର୍କଟ ରୋଗ ହୋଇଥିଲା ଏବଂ ସେ ଶେଷର ମୃତ୍ୟୁବରଣ କରିଥିଲେ । ଫିଲ୍ମ ନିର୍ମାତା ଭଗବାନ ହୋଇଥାନ୍ତି । ସେ ଲେଖନ୍ତି,ସୃଷ୍ଟି କରନ୍ତି ଏବଂ ନଷ୍ଟ କରନ୍ତି” ବୋଲି କହିଥିଲେ କରଣ ।
ଏହା ପରେ ଲୋକେ ତାଙ୍କୁ ଟ୍ରୋଲ କରିବା ଆରମ୍ଭ କରିଥିଲେ । କିଛି ଲୋକ,ମହିଳାମାନେ କେଉଁ ପୁଅର ପ୍ରେମ ପ୍ରସ୍ତାବକୁ ଅସ୍ୱୀକାର କର ନାହିଁ,ନ ହେଲେ କର୍କଟ ରୋଗ ହୋଇଯିବ ବୋଲି ଲେଖିଥିବା ବେଳେ କିଛି ଲୋକ କିଭଳି ଚିନ୍ତାଧାରା ତୁମର ବୋଲି ଲେଖି ଟ୍ରୋଲ କରିଥିଲେ ।