ଭାଇରାଲ୍ ହେଲା କରଣବୀର ଓ ପୁନମ ପାଣ୍ଡେଙ୍କ ରୋମାଣ୍ଟିକ୍ ଅନ୍ଦାଜର ଭିଡିଓ, ଟ୍ରୋଲ୍ ହେଲେ
ମୁମ୍ବାଇ: ଗତ କିଛି ଦିନ ହେବ ଟିଭି ଅଭିନେତା କରଣବୀର ବୋହରା ଏବଂ ବୋଲ୍ଡ ଅଭିନେତ୍ରୀ ପୁନମ ପାଣ୍ଡେଙ୍କୁ ଏକତ୍ର ଦେଖିବାକୁ ମିଳୁଛି। ସେ ଦୁହିଁଙ୍କର ‘ତେରେ ଜିସ୍ମ ସେ’ ନାମରେ ଏକ ଅପ୍କମିଂ ମ୍ୟୁଜିକ ଭିଡିଓ ରିଲିଜ ହେବାକୁ ଥିବା ବେଳେ ସେମାନେ ଏହାର ପ୍ରମୋସନ ପାଇଁ ଅଧିକାଂଶ ସ୍ଥାନକୁ ସାଥୀ ହୋଇ ଯାଉଛନ୍ତି। ସେମାନଙ୍କର ଏହି ମ୍ୟୁଜିକ ଭିଡିଓ ରିଲିଜ୍ ହେବାକୁ ବିଳମ୍ବ ଥିଲେ ବି ସେମାନେ ଅଧିକାଂଶ ସମୟରେ ଦର୍ଶକଙ୍କୁ ସର୍ପ୍ରାଇଜ୍ କରି ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଗୀତର ପ୍ରମୋସନ ପାଇଁ କେବେ କରଣବୀର ପୁନମ ପାଣ୍ଡେଙ୍କୁ ବାହୁରେ ଉଠାଇ ବୁଲୁଛନ୍ତି ତ ପୁଣି କେବେ ନିଆରା ଅନ୍ଦାଜରେ ରୋମାଣ୍ଟିକ୍ ହଉଛନ୍ତି। ସେମାନଙ୍କର ଏବେ ଆଉଏକ ନୂଆ ଭିଡିଓ ଭାଇରାଲ୍ ହୋଇଛି। ଭିଡିଓରେ ସେମାନେ ପରସ୍ପରର ବେଶ୍ ନିକଟତର ଥିବା ଜଣା ପଡୁଛନ୍ତି। ଭିଡିଓଟିକୁ ଦେଖି ସୋସିଆଲ୍ ମିଡିଆ ବ୍ୟବହାରକାରୀ ସେମାନଙ୍କୁ ଟ୍ରୋଲ୍ କରିବା ଆରମ୍ଭ କରିଛନ୍ତି।
View this post on Instagram
ସେମାନଙ୍କ ଭାଇରାଲ୍ ଭିଡିଓରେ ଜଣେ ବ୍ୟବହାରକାରୀ ଲେଖିଛନ୍ତି, ‘ଘରକୁ ଯାଅ ପୁଣି ଜଣାପଡ଼ିବ’। ସେହିପରି ଅନ୍ୟ ଜଣେ ବ୍ୟବହାରକାରୀ ଲେଖିଛନ୍ତି, ‘ଟିକେ ସମ୍ଭାଳି ଯାଅ’। ସେହିପରି ଅନ୍ୟ ଜଣେ ବ୍ୟବହାରକାରୀ ଲେଖିଛନ୍ତି, ‘ୟାର ବି ଛାଡ଼ପତ୍ର ହେବ କିଛି ଦିନ ଭିତରେ।’
ତେବେ ଏଥିରୁ ସ୍ପଷ୍ଟ ଯେ ନିଜ ଅପ୍କମିଂ ମ୍ୟୁଜିକ୍ ଭିଡିଓ ପାଇଁ ସେମାନେ ଯେଉଁ ପ୍ରମୋସନ ଶୈଳୀକୁ ଆପଣେଇଛନ୍ତି ତାହା ପ୍ରଶଂସକଙ୍କୁ ଆଦୌ ପସନ୍ଦ ଆସିନାହିଁ।