ଅଭିନୟରେ ନୁହେଁ ଏହି ପେସାରେ ତୈମୁର କ୍ୟାରିୟର କରନ୍ତୁ ବୋଲି ଚାହୁଁଛନ୍ତି କରୀନା
ମୁମ୍ବାଇ : ବଲିଉଡ୍ ଅଭିନେତ୍ରୀ କରୀନା କପୁର ଖାନ୍ ଓ ଅଭିନେତା ସୈଫ୍ ଅଲ୍ଲୀ ଖାନ୍ଙ୍କ ପୁଅ ତୈମୁର ମାତ୍ର ୨ବର୍ଷ ବୟସରୁ ହିଁ ଷ୍ଟାର ପାଲଟି ଯାଇଛନ୍ତି । କୌଣସି ଫିଲ୍ମ ନ କରି ମଧ୍ୟ ଲୋକମାନଙ୍କ ମଧ୍ୟରେ ତାଙ୍କର କ୍ରେଜ୍ ଦେଖିବାକୁ ମିଳିଛି । ତେବେ ଏତେ କମ ବୟସରୁ ତୈମୁରଙ୍କ ପ୍ରଶଂସକ ସଂଖ୍ୟା ବଢ଼ୁଥିବା ଦେଖି ସେ ଭବିଷ୍ୟତରେ ଜଣେ ଅଭିନେତା ଭାବେ ବଲିଉଡ୍ରେ କ୍ୟାରିୟର କରିବେ ବୋଲି ଲୋକେ ଚର୍ଚ୍ଚା କରିବା ଆରମ୍ଭ କରିଛନ୍ତି । କିନ୍ତୁ ତୈମୁରଙ୍କ ମା’ ତଥା କରୀନା କପୁର ଖାନ୍ ତାଙ୍କୁ ଅଭିନେତା ହିସାବରେ ଦେଖିବାକୁ ଇଚ୍ଛା କରୁ ନଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରିୟାଲିଟି ସୋ’ ଡ୍ୟାନ୍ସ ଇଣ୍ଡିଆ ଡ୍ୟାନ୍ସରେ କରୀନା ତୈମୁରଙ୍କୁ ଭବିଷ୍ୟତରେ କେଉଁ ପେସାରେ ଦେଖିବାକୁ ଚାହୁଁଛନ୍ତି, ତାହା ଜଣାଇଛନ୍ତି । ତୈମୁର ଭବିଷ୍ୟତରେ ଅଭିନେତା ନ ହୋଇ ଜଣେ କ୍ରିକେଟର ହୁଅନ୍ତୁ ବୋଲି ଚାହୁଁଛନ୍ତି କରୀନା । କରୀନାଙ୍କ ଶଶୁର ମନ୍ସୁର ଅଲ୍ଲୀ ଖାନ୍ ପଟୌଦି ଜଣେ କ୍ରିକେଟର ଥିବାରୁ ତୈମୁର ମଧ୍ୟ ତାଙ୍କ ଭଳି କ୍ରିକେଟର ହୁଅନ୍ତୁ ବୋଲି ଚାହୁଁଛନ୍ତି କରୀନା ।