ଅସଦାଚରଣର ଶିକାର ହେଲେ ‘ଇସ୍ମେଁ ତେରା ଘାଟା’ ସଙ୍ଗୀତର ଅଭିନେତ୍ରୀ କରିସ୍ମା, କହିଲେ;୧୫ଜଣ ଲୋକ ମୋତେ ଘେରି…
ମୁମ୍ବାଇ: ରାଗିଣି ଏମ୍ଏମ୍ଏସ୍ ରିଟର୍ଣ୍ଣସ୍, ପ୍ୟାର କା ପଞ୍ଚନାମା-୨ଭଳି ଫିଲ୍ମ ଏବଂ ଇସ୍ମେ ତେରା ଘାଟା ଭଳି ଆଲ୍ବମରେ କାମ କରିଥିବା ଅଭିନେତ୍ରୀ କରିସ୍ମା ଶର୍ମା ନିଜ ସହ ଘଟିଥିବା ଅସଦାଚରଣ ବିଷୟରେ ଖୁଲସା କରିଛନ୍ତି । ଏକ ସାକ୍ଷାତକାର ଦେଇ ସେ କାମରୁ ବିରତି ନେଇ ଛୁଟି କଟାଇବା ପାଇଁ ଯାଇଥିବା ବେଳେ ତାଙ୍କୁ ୧୫ଜଣ ଲୋକ ଘେରିଯିବା ସହ ଅସଦାଚରଣ କରିଥିଲେ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ ମନକୁ ଶାନ୍ତ କରିବା ପାଇଁ ମୁଁ ଏବଂ ମୋ କିଛି ସାଙ୍ଗ ଧର୍ମାଶାଳା ବୁଲିବା ପାଇଁ ଯାଇଥିଲୁ । ସେଠାରେ ଏକ ଝରଣା ଥିବା ଜାଗାରେ ଠିଆ ହୋଇ ଆମେ ଫଟୋ ଉଠାଉଥିବା ବେଳେ ଆମ ପଛପଟେ କିଛି ଲୋକ ଆମକୁ ଦେଖୁଥିଲେ । ସେମାନେ ମୋତେ ଖରାପ ନଜରରେ ଦେଖିବା ସହ ମୋ ସ୍ତନ ଉପରେ ନଜର ପକାଇବା ସହ ଆମର ପିଛା କରିଥିଲେ । କିଛି ଦୂର ଯିବା ପରେ ଆମେ ରାସ୍ତାରେ ଜଣେ ପୁଲିସକର୍ମୀଙ୍କୁ ଦେଖି ଅଭିଯୋଗ କରିବା ପରେ ସେ ଆମ କଥା ଶୁଣି ହସିବା ସହ ଚାଲି ଯାଇଥିଲେ । ତା’ ପର ଦିନ ଆମେ ଜିନିଷ କିଣିବା ପାଇଁ ମାର୍କେଟ ଯାଇଥିବା ବେଳେ ସେହି ଲୋକମାନଙ୍କୁ ଆମର ପିଛା କରୁଥିବାର ଦେଖିଥିଲୁ । ସେମାନଙ୍କ ଏଭଳି ବ୍ୟବହାର ପାଇଁ ଆମେ ସେଠାରୁ ୪ଦିନ ନ ରହି ବାଧ୍ୟ ହୋଇ ୨ଦିନ ମଧ୍ୟରେ ଚାଲି ଆସିଥିଲୁ ବୋଲି ସେ କହିଥିଲେ ।