ନୂଆଦିଲ୍ଲୀ: ନ୍ୟୁୟର୍କରେ ଛୁଟି କାଟିବା ପରେ ଦେଶକୁ ଫେରିଛନ୍ତି ଅଭିନେତ୍ରୀ କ୍ୟାଟ୍ରିନା କୈଫ୍‌। ନିକଟରେ ତାଙ୍କୁ ବିମାନବନ୍ଦରରେ ଦେଖିବାକୁ ମିଳିଥିଲା। ସବୁଠାରୁ ମଜାଦାର କଥା ହେଉଛି କ୍ୟାଟ୍‌ଙ୍କୁ ବିମାନ ବନ୍ଦରରେ ଦେଖିବା ପରେ ପ୍ରଶଂସକମାନେ ଏତେ ଉତ୍ସାହିତ ହୋଇ ପଡ଼ିଥିଲେ ଯେ ତାଙ୍କ ସହ ସେଲ୍‌ଫିଟିଏ ନେବା ପାଇଁ ଦୌଡ଼ିବା ଆରମ୍ଭ କରିଥିଲେ।  ​​

Advertisment

ସେ ସମୟର ଏକ ଭିଡିଓ ଏବେ ସୋସିଆଲ୍‌ ମିଡିଆରେ ଖୁବ୍‌ ଜୋର୍‌ରେ ଭାଇରାଲ୍‌ ହେଉଛି। ଭାଇରାଲ୍‌ ଭିିଡିଓରେ ବ୍ୟାରିକେଡ୍‌ ପଛରେ କିଛି ଲୋକ ଥିବାର ଦେଖିବାକୁ ମିଳିଛି। ସେହି ଲୋକମାନେ କେବଳ ଦୂରରୁ ଅଭିନେତ୍ରୀଙ୍କୁ ଦେଖୁଥିଲେ। ମାତ୍ର ଆଉ କିଛି ଲୋକଙ୍କ କଥା ନକହିବା ହିଁ ଭଲ, ସେମାନେ କ୍ୟାଟ୍ରିନାଙ୍କ ସହ ଫଟୋ ନେବାକୁ ଧାଇଁବା ଆରମ୍ଭ କରିଥିଲେ। ଶେଷରେ ଏମିତି ହେଲା ଯେ, କ୍ୟାଟ୍‌ ଭିଡ଼ ଭିତରେ ଫସିଗଲେ।

ଭିଡିଓରେ ଆହୁରି ବି ଦେଖିବାକୁ ମିଳିଛି ଯେ ସମସ୍ତଙ୍କ ହାତରେ ମୋବାଇଲ୍ ରହିଛି। ସେମାନେ କ୍ୟାଟ୍‌ଙ୍କ ସହ ସେଲ୍‌ଫି ନେବାକୁ ଚାହୁଁଥିଲେ। ତେବେ କ୍ୟାଟ୍‌ଙ୍କ ଅଙ୍ଗରକ୍ଷୀ ଭିଡ଼ରୁ ତାଙ୍କୁ ସୁରକ୍ଷା ଦେବାକୁ ଚେଷ୍ଟା କରି ମଧ୍ୟ ବିଫଳ ହୋଇଥିଲେ। କିଛି ପ୍ରଶଂସକ ପେଲିଠେଲି ଧସେଇ ପଶିଥିଲେ। ଅଙ୍ଗରକ୍ଷୀମାନେ ଭିଡ଼କୁ ଏଡ଼େଇ ପାରି ନଥିଲେ। କାରଣ ପ୍ରତ୍ୟେକ କୋଣ‌ରୁ କ୍ୟାଟ୍ରିନାଙ୍କ ପ୍ରଶଂସକ ପଶି ଆସୁଥି‌ଲେ।

କ୍ୟାଟ୍ରିନା ମଧ୍ୟ ଆରାମରେ ଅଟକି ଯାଇ ପ୍ରଶଂସକମାନଙ୍କ ସହ ଫଟୋ ନେବା ଆରମ୍ଭ କରିଥିଲେ। ଏହା ପରେ ସେ ଆଗକୁ ଯାଇ କାରରେ ବସିଥିଲେ। କ୍ୟାଟ୍ରିନାଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଲୋକମାନେ କ୍ୟାଟ୍‌ଙ୍କ ଶାନ୍ତ-ସରଳ ଆଚରଣଙ୍କୁ ବେଶ୍‌ ପ୍ରଶଂସା କରୁଛନ୍ତି।