ଅଭିନେତା କୌଶିକ୍ ସେନ୍ଙ୍କ ଦାବି: ଭିଡ଼ ହିଂସାକୁ ନେଇ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିବାରୁ ମିଳୁଛି ହତ୍ୟା ଧମକ
ନୂଆଦିଲ୍ଲୀ : ଦେଶରେ ଭିଡ଼ ହିଂସା ବଢ଼ୁଥିବା ଦେଖି ଭାରତର ସେଲିବ୍ରିଟିମାନେ ଚିନ୍ତା ବ୍ୟକ୍ତ କରିବା ସହ ଏହାକୁ ବନ୍ଦ କରିବା ପାଇଁ ପ୍ରଧାନମନ୍ତ୍ରୀ ମୋଦୀଙ୍କୁ ଚିଠିି ଲେଖିଥିଲେ । ପାଖା ପାଖି ୪୯ଜଣ କଳାକାର, ନିର୍ଦ୍ଦେଶକ ଏବଂ ସାମାଜିକ କର୍ମୀମାନେ ମିଶି ଏହି ଚିଠି ମୋଦୀଙ୍କୁ ଲେଖିଥିଲେ । ୪୯ଜଣଙ୍କ ମଧ୍ୟରେ ଥିବା ଅଭିନେତା କୌଶିକ୍ ସେନ୍ ଏବେ ପଠାଇଥିବା ଚିଠିକୁ ନେଇ ଏକ ବଡ଼ ସମସ୍ୟାର ସାମ୍ନା କରିଛନ୍ତି । ଚିଠିରେ ତାଙ୍କର ହସ୍ତାକ୍ଷର ଥିବା ଦେଖି କିଛି ଦୁର୍ବୃତ୍ତ ଫୋନ ଯୋଗେ ତାଙ୍କୁ ହତ୍ୟା ଧମକ ଦେଉଥିବା ସେ ଦାବି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଗତକାଲି ମୋତେ ଏକ ଅଜ୍ଞାତ ନମ୍ବରରୁ ଫୋନ ଆସିବା ସହ ଚିଠି ଲେଖିବାର ଗମ୍ଭୀର ପରିଣାମ ଭୋଗିବାକୁ ପଡ଼ିବ । ଭିଡ଼ ହିଂସାକୁ ନେଇ ସ୍ୱର ଉଠାଇବା ବନ୍ଦ ନ କଲେ ତୁମକୁ ଜୀବନରୁ ମାରି ଦିଆଯିବ ବୋଲି ମୋତେ ଧମକ ଦିଆଯାଇଥିଲା । ସତ କହିବାକୁ ଗଲେ ଏଭଳି ଫୋନ କଲ ପାଇଁ ମୁଁ ଚିନ୍ତିତ ନୁହେଁ ବୋଲି କହିଛନ୍ତି କୌଶିକ୍ । ଏ ନେଇ ପୁଲିସକୁ ସୂଚନା ଦିଆଯିବା ପରେ ତଦନ୍ତ ଆରମ୍ଭ କରିଛି ପୁଲିସ ।