/sambad/media/agency_attachments/2024-07-24t043029592z-sambad-original.webp)
/sambad/media/post_attachments/wp-content/uploads/2019/10/-30.jpg)
ନୂଆଦିଲ୍ଲୀ : ଏବେ ଚର୍ଚ୍ଚାରେ ରହିଛି ସୋନି ଟିଭିରେ ପ୍ରସାରିତ ହେଉଥିବା କୁଇଜ୍ ସୋ’ କୌନ୍ ବନେଗା କରୋଡପତି । ଚାଲୁଥିବା ସିଜିନ୍-୧୧କୁ ଆସୁଥିବା ପ୍ରତିଯୋଗୀଙ୍କ ବ୍ୟକ୍ତିଗତ କାହାଣୀ ପାଇଁ ସୋ’ର ଟିଆର୍ପି ସବୁଠୁ ଉପରେ ରହିଛି । ପୂର୍ବରୁ ଅନେକଙ୍କ କାହାଣୀ ସାମ୍ନାକୁ ଆସି ସାରିଥିବା ବେଳେ ସମାଜସେବୀ ସୁନୀତା କୃଷ୍ଣନଙ୍କ କାହାଣୀ ଚର୍ଚ୍ଚାର ବିଷୟ ପାଲଟିଛି ।
ସୂଚନା ମୁତାବକ, ସୋ’ର କର୍ମବୀର ସ୍ୱତନ୍ତ୍ର ଅଧ୍ୟାୟରେ ପହଞ୍ଚିଥିଲେ ସୁନୀତା କୃଷ୍ଣନ । ସେଠାରେ ସେ ନିଜ ଜୀବନରେ ସାମ୍ନା କରିଥିବା ଘଟଣାବଳିକୁ ସମସ୍ତଙ୍କ ଆଗରେ ରଖିଥିଲେ । ତାଙ୍କ କହିବା ଅନୁଯାୟୀ, ମୁଁ ୧୫ବର୍ଷର ହୋଇଥିବା ବେଳେ ୮ଜଣ ଲୋକ ମୋ ସହ ଦୁଷ୍କର୍ମ କରିଥିଲେ । ମୋ ଉପରେ ଏ ନେଇ ୧୭ଥର ଆକ୍ରମଣ କରାଯାଇଥିଲା । ମରିବା ଏକ ବଡ଼ କଥା ନୁହେଁ । ଯେ ପର୍ଯ୍ୟନ୍ତ ମୋ ନିଶ୍ୱାସ ଚାଲିଛି ସେ ପର୍ଯ୍ୟନ୍ତ ମୋ ଭଳି ଘଟଣାର ଶିକାର ହେଉଥିବା ମହିଳା ଓ ଦେହ ବ୍ୟବସାୟକୁ ଠେଲି ଦିଆଯାଉଥିବା ମହିଳାଙ୍କୁ ଉଦ୍ଧାର କରିବା ପାଇଁ ମୁଁ ବଞ୍ଚିଛି । ଏ ପର୍ଯ୍ୟନ୍ତ ମୁଁ ୨୨,୦୦୦ରୁ ଅଧିକ ମହିଳାଙ୍କୁ ଯୌନ ଚାଲାଣରୁ ମୁକ୍ତ କରିଛି । ସୁନୀତାଙ୍କ କାହାଣୀ ଶୁଣିବା ପରେ ବିଗ୍ ବିଙ୍କ ସମତେ ଉପସ୍ଥିତ ଦର୍ଶକଙ୍କ ଆଖିରେ ଲୁହ ଆସି ଯାଇଥିଲା ।
