କାନ୍‌ରେ ‘କେନେଡ଼ି’ : ସଚ୍ଚୋଟ ପୁଲିସଙ୍କ ଜୀବନ କାହାଣୀ

ମୁମ୍ବାଇ: ଏଥର ୭୬ତମ କାନ୍ ଫିଲ୍ମ ଫେଷ୍ଟିଭାଲ (୨୦୨୩)ରେ ଅନୁରାଗଙ୍କ ନିର୍ମିତ ନୂଆ ଚଳଚ୍ଚିତ୍ର ‘କେନେଡ଼ି’ ପ୍ରଦର୍ଶିିତ ‌ହେଇଛି। ଏଥିରେ ରାହୁଲ ଭଟ୍ଟ ଓ ସନି ଲିଅନେ ପ୍ରମୁଖ ଭୂମିକାରେ ଅଛନ୍ତି। ଏଇ ଦୁଇଜଣ ହିଁ କାନରେ ହେବାକୁ ଥିବା ଉକ୍ତି ଫିଲ୍ମର ପ୍ରମିୟର ସୋ’ରେ ଯୋଗ ଦେଇଥିଲେ। ଫିଲ୍ମର ପ୍ରଯୋଜନା କରିଥିବା ଜି ଷ୍ଟୁଡିଓଜ୍‌ର ସିବିଓ ଶାରିକ୍ ପଟେଲ୍ କହିଛନ୍ତି ଏକାଧିକ ଭାରତୀୟ ଚଳଚ୍ଚିତ୍ର ମଧ୍ୟରେ ‘କେନେଡ଼ି’ କାନ୍ ଫେଷ୍ଟିଭାଲ୍‌ ପାଇଁ ମନୋନୀତ ହେବା ପଛରେ ନିର୍ଦ୍ଦେଶକ ଅନୁରାଗ କାଶ୍ୟପଙ୍କ କ୍ରିଏଟିଭିଟିକୁ ହିଁ ଶ୍ରେୟ ଦିଆଯିବ।

ସେମିତି ଅନୁରାଗ କାଶ୍ୟପ ମଧ୍ୟ କହିଛନ୍ତି, ଅପରାଧିକ କାହାଣୀ ଲେଖୁଥିବା ପାଟ୍ରିକ୍ ମଞ୍ଚାଟେ, ଏବଂ ଜାକ୍ୟୁସ୍ ଟାରଡିଙ୍କ ହାସ୍ୟରସ କାହାଣୀ ଏବଂ ମେଲଭାଇଲଙ୍କ ସିନେମାକୁ ଆଧାର କରି ‘କେନେଡ଼ି’ ଫିଲ୍ମ ପ୍ରସ୍ତୁତ ହୋଇଛି, ତେଣୁ ସେ ସେମାନଙ୍କୁ ଏହାର ଶ୍ରେୟ ଦେଇଛନ୍ତି। ବଳିଉଡ୍‌ର ଜଣାଶୁଣା ନିର୍ଦ୍ଦେଶକ ଅନୁରାଗ କାଶ୍ୟପ ନିର୍ମାଣ କରିଥିବା ଚଳଚ୍ଚିତ୍ର ‘କେନେଡ଼ି’ କାନ୍ ଫିଲ୍ମ ଫେଷ୍ଟିଭାଲରେ ମିଡନାଇଟ୍ ପ୍ରଦର୍ଶନ ପାଇଁ ମନୋନୀତ ହେଇଛି। ପୁଲିସ୍ ରାଜରେ ହେଉଥିବା ଅନ୍ୟାୟ ଅନୀତି ଏବଂ ଏହାକୁ ପ୍ରତିରୋଧ କରୁଥିବା କେତେଜଣ ସଚ୍ଚୋଟ ପୁଲିସଙ୍କ ଜୀବନ କାହାଣୀକୁ ନେଇ ଆଧାରିତ ହେଇଛି ଏଇ ଚଳଚ୍ଚିତ୍ର।

୨୦୧୨, ୨୦୧୩, ୨୦୧୬ରେ ବିଶ୍ବର ସବୁଠାରୁ ବଡ଼ ଫିଲ୍ମ ଫେଷ୍ଟିଭାଲ ‘କାନ୍‌’ରେ ଗ୍ୟାଙ୍ଗ୍‌ସ ଅଫ୍ ୱାସିପୁର, ବମ୍ବେ ଟକିଜ୍, ଅଗ୍‌ଲୀ, ଗୁଲାଲ୍, ନୋ ସ୍ମୋକିଙ୍ଗ୍ ପରି ଚଳଚ୍ଚିତ୍ର ମନୋନୀତ ହେଇ ପ୍ରଦର୍ଶିିତ ଓ ପୁରସ୍କୃତ ହେଇଥିଲା।