ବାହାଘର ପରେ ମୁମ୍ବାଇରେ ପହଞ୍ଚିଲେ କିଆରା ଓ ସିଦ୍ଧାର୍ଥ

ମୁମ୍ବାଇ: ବଲିଉଡ଼ ଅଭିନେତା ସିଦ୍ଧାର୍ଥ ମାଲହୋତ୍ରା ଏବଂ ଅଭିନେତ୍ରୀ କିଆରା ଆଡଭାନୀ ଗତ ୭ ତାରିଖରେ ରାଜସ୍ଥାନ ଜୟସାଲେମର୍‌ସ୍ଥିତ ସୂର୍ଯ୍ୟଗଡ଼ ପ୍ୟାଲେସରେ ବାହାହେବା ପରେ ଆଜି ମୁମ୍ବାଇରେ ପହଞ୍ଚିଛନ୍ତି। ମୁମ୍ବାଇରେ ପହଞ୍ଚିବା ପରେ ସେଲିବ୍ରିଟି ଫଟୋଗ୍ରାଫରମାନେ ସେମାନଙ୍କ ଫଟୋ ଉଠାଇଥିଲେ।

ଏଥିସହିତ ଉକ୍ତ ଦମ୍ପତି ସେମାନଙ୍କୁ ଚକଲେଟ୍‌ ବାଣ୍ଟିଥିଲେ। ଏକ ସୂଚନା ଅନୁଯାୟୀ, ରବିବାର ରାତିରେ ମୁମ୍ବାଇର ସେଣ୍ଟ ରେଜିସ୍ ହୋଟେଲରେ ସେମାନେ ଏକ ଭୋଜି ଦେବେ। ଏଥିରେ ଜୁହି ଚାୱଲା, ଅନିଲ କପୁର, ଶାହରୁଖ ଖାନ୍‌, ଅଜୟ ଦେବଗନ, ଅକ୍ଷୟ କୁମାର, କରନ ଜୋହର, ଶାହିଦ କପୁର, ବରୁଣ ଧାୱନ ଏବଂ ମନିଷ ମାଲହୋତ୍ରା ପ୍ରମୁଖ ଯୋଗଦେବା କାର୍ଯ୍ୟକ୍ରମ ରହିଛି। ବାହାଘର ପରେ ସେମାନେ ଦିଲ୍ଲୀ ଆସି ବନ୍ଧୁ ଓ ସଂପର୍କୀୟଙ୍କୁ ହୋଟେଲ ଲୀଲା ପ୍ୟାଲେସରେ ଗତ ୯ ତାରିଖରେ ଭୋଜି ଦେଇଥିଲେ।