ନୂଆ ଅନ୍ଦାଜରେ ନଜର ଆସିଲେ କିଆରା ଆଡ଼ଭାନୀ
ନୂଆଦିଲ୍ଲୀ: ସମ୍ପୂର୍ଣ୍ଣ ନୂଆ ଅନ୍ଦାଜରେ ନଜର ଆସିଛନ୍ତି କବିର ସିଂର ଅଭିନେତ୍ରୀ କିଆରା ଆଡ଼ଭାନୀ | ଫେସନ ଡିଜାଇନର ଅମିତ ଅଗ୍ରୱାଲଙ୍କ ଡ୍ରେସ ପିନ୍ଧି କିଆରା ଲୁମେନ ନାମକ ଫେସନ ସୋରେ ଭାଗ ନେଇଥିଲେ | ନାଲି ରଙ୍ଗର ଡ୍ରେସ ପିନ୍ଧି ରାମ୍ପରେ କିଆରା ଚାଲିଥିବାବେଳେ ଏବେ ଏହି ଫଟୋଗୁଡିକ ସୋସିଆଲ ମିଡିଆରେ ଘୁରି ବୁଲିବା ସହ ତାଙ୍କୁ ଢେର ପ୍ରଶଂସା କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ କିଆରା କହିଛନ୍ତି ଯେ ଝିଅମାନେ ହାଲୁକା ଡ୍ରେସ ପିନ୍ଧିବାକୁ ପସନ୍ଦ କରନ୍ତି, ଯେତେ ହାଲୁକା ପିନ୍ଧିହେବ ସେତେ ପିନ୍ଧନ୍ତୁ ବୋଲି କିଆରା କହିଛନ୍ତି | ସେହିପରି ଏହି ଫେସନ ସୋରେ ନିଜ ବିବାହକୁ ନେଇ କିଛି ଖୁଲାସା ମଧ୍ୟ କରିଛନ୍ତି | ସେ କହିଛନ୍ତି ଯେ ନିଜ ବିବାହରେ ଏଭଳି ହାଲୁକା ଲେହେଙ୍ଗା ହିଁ ପିନ୍ଧିବେ |
ଏଠାରେ ସୂଚନା ଥାଉ କି କିଛିଦିନ ତଳେ ମୁକ୍ତିଲାଭ କରିଥିବା କବିର ସିଂରେ କିଆରାଙ୍କ ଅଭିନୟକୁ ନେଇ ଢେର ପ୍ରଶଂସା କରାଯାଇଥିଲା | କବିର ସିଂ ବକ୍ସ ଅଫିସରେ ହିତ ହେବା ସହ ୨୭୦ କୋଟି ଟଙ୍କାରୁ ଉର୍ଦ୍ଧ୍ୱ ଆୟ କରିସାରିଛି |