ପ୍ରଭାସଙ୍କୁ ଡେଟ୍ କରୁଥିବା ଚର୍ଚ୍ଚା ମଧ୍ୟରେ ପ୍ରେମିକଙ୍କୁ ନେଇ କ୍ରିତି କହିଲେ; ମୁଁ ତାଙ୍କ ନାଁ...

ମୁମ୍ବାଇ: ବହୁ ପ୍ରତୀକ୍ଷିତ ପ୍ୟାନ ଇଣ୍ଡିଆ ଫିଲ୍ମ ‘ଆଦିପୁରୁଷ’ରେ ପ୍ରଥମ ଥର ପାଇଁ ସାଥିରେ ନଜର ଆସିବେ ସାଉଥ ସୁପରଷ୍ଟାର ପ୍ରଭାସ ଏବଂ ଅଭିନେତ୍ରୀ କ୍ରିତି ସାନନ୍। ‘ଆଦିପୁରୁଷ’ରେ ଦୁ‌ହେଁ ପ୍ରଥମ ଥର ପାଇଁ ‌ସାଙ୍ଗ ହୋଇ କାମ କରୁଥିବା ବେଳେ ଗତ କିଛି ଦିନ ହେବ ପରସ୍ପରକୁ ଦୁହେଁ ଡେଟ୍ କରୁଥିବା ଚର୍ଚ୍ଚା ହେଉଛି। କୁହାଯାଉଛି ‌ଯେ, ଫିଲ୍ମ ସୁଟିଂ ସମୟରେ ଦୁହେଁ ପରସ୍ପରକୁ ମନ ଦେଇବସିଛନ୍ତି। ତେବେ ପୂର୍ବରୁ ଦୁଇ ଥର ଦୁହେଁ ପରସ୍ପରକୁ ଡେଟ୍ କରୁଥିବା ନେଇ ଚର୍ଚ୍ଚା ହୋଇଥିବା ବେଳେ କ୍ରିତି ଏହାକୁ ଗୁଜବ ବୋଲି କହିସାରିଛନ୍ତି।

ଏବେ ସେ ପୁଣି ଥରେ ନିଜ ପ୍ରେମିକଙ୍କୁ ନେଇ ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଇଛନ୍ତି। ଅନ୍ୟ କଳାକାରଙ୍କ ଭଳି କ୍ରିତି ଇନଷ୍ଟାରେ ଆସ୍କ ମି ଏନିଥିଙ୍ଗ ସେସନ ରଖିଥିଲେ। ଏହି ସମୟରେ ତାଙ୍କ ପ୍ରଶଂସକ ତାଙ୍କୁ ତାଙ୍କ ପ୍ରେମିକଙ୍କ ବିଷୟରେ ପଚାରିଥିଲେ। ଜଣେ ବ୍ୟବହାରକାରୀ ପ୍ରଶ୍ନ କରିଥିଲେ ଯେ, 'ଆପଣଙ୍କ ପ୍ରେମିକଙ୍କ ନାଁ କ’ଣ?' ବ୍ୟବହାରକାରୀଙ୍କ ଏହି ପ୍ରଶ୍ନର ଉତ୍ତର ରଖି କ୍ରିତି ଏକ ଭିଡିଓ ସେୟାର କରିଥିଲେ ଯେଉଁଥିରେ ଲେଖାଥିଲା, ଏହା ଏକ ରହସ୍ୟ। ମୁଁ ମଧ୍ୟ ତାଙ୍କ ନାଁ ଜାଣିନାହିଁ। ଉତ୍ତର ଦେବା ପରେ କ୍ରିତି ଜୋରରେ ହସୁଥିବାର ଇମୋଜି ସେୟାର କରିଥିଲେ।

‌ତେବେ ଫିଲ୍ମ ‘ଭେଡିଆ’ର ପ୍ରମୋସନ ସମୟରେ କ୍ରିତି, ପ୍ରଭାସଙ୍କୁ ନେଇ କହିଥିବା କଥା ଦୁହିଁଙ୍କ ଡେଟିଂ ଚର୍ଚ୍ଚାକୁ ବଢ଼ାଇଥିଲା। ଏକ ସାକ୍ଷାତକାରରେ ଯେତେବେଳେ କ୍ରିତିଙ୍କୁ ପଚରା ଯାଇଥିଲେ ଯେ, ସେ ଟାଇଗର ଶ୍ରଫ୍, ପ୍ରଭାସ ଏବଂ କାର୍ତ୍ତିକ ଆରୟନଙ୍କ ମଧ୍ୟରୁ କାହା ସହିତ ଫ୍ଲର୍ଟ କରିବେ, ଡେଟ କରିବେ ଏବଂ ବିବାହ କରିବେ, ସେତେବେଳେ ‘ଆଦିପୁରୁଷ’ ଅଭିନେତ୍ରୀ କହିଥିଲେ ଯେ ସେ କାର୍ତ୍ତିକଙ୍କ ସହ ଫ୍ଲର୍ଟ କରିବେ, ଟାଇଗରଙ୍କୁ ଡେଟ କରିବେ ଏବଂ ପ୍ରଭାସଙ୍କୁ ବିବାହ କରିବେ। ତାଙ୍କର ଏହି ଉତ୍ତର ପରେ ଦୁହେଁ ପରସ୍ପର ସହ ପ୍ରେମ ସମ୍ପର୍କରେ ଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା।