ଆପଣ ଜାଣନ୍ତି କି? ବିଗ୍‌ ବି ଅମିତାଭଙ୍କ ଘରେ ଭଡ଼ାରେ ରହୁଛନ୍ତି ଏହି ବଲିଉଡ୍‌ ଅଭିନେତ୍ରୀ

ମୁମ୍ବାଇ: ବଲିଉଡ୍‌ର ସେହେନ୍ସା ଅମିତାଭ ବଚ୍ଚନ କୋଟି କୋଟି ଟଙ୍କ‌ାର ମାଲିକ। ତାଙ୍କ ନାମ ବଲିଉଡ୍‌ର ସବୁଠାରୁ ଧନୀ ତାରକାଙ୍କ ମଧ୍ୟରେ ରହିଛି। ମାୟାନଗରୀ ମୁମ୍ବାଇରେ ବିଗ୍‌ ବିଙ୍କର ଅନେକ ବିଳାସମୟ ଘର ରହିଛି। ଯାହାର ଦର କୋଟି ‌କୋଟି ଟଙ୍କା। ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଅନେକ ଘରକୁ ବିଗ୍‌ ବି ଭଡ଼ାରେ ଲଗାଇଛନ୍ତି।

ତେବେ ଆପଣ ଜାଣନ୍ତି କି ବିଗ୍‌ ବିଙ୍କର ଏକ ଘରେ ଜଣେ ଜଣାଶୁଣା ବଲିଉଡ୍‌ ଅଭିନେତ୍ରୀ ରହନ୍ତି ବୋଲି? ଅଭିନେତ୍ରୀ ଜଣଙ୍କ ବିଗ୍‌ ବିଙ୍କୁ ଘର ଭଡ଼ା ବାବଦରେ ମାସକୁ ୧୦ ଲକ୍ଷ ଟଙ୍କା ଦେଉଛନ୍ତି। ତେବେ ଆପଣ ବି ଜାଣିବାକୁ ଚାହୁଁଥିବେ କିଏ ସେ ଅଭିନେତ୍ରୀ?

ତେବେ ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ ‌ସେ ସେହି ଅଭିନେତ୍ରୀ ଜଣକ ହେଉଛନ୍ତି କ୍ରିତି ସନନ୍‌। କ୍ରିତି ହେଉଛନ୍ତି ବିଗ୍‌ ବିଙ୍କ ଭଡ଼ାଟିଆ। ମୁମ୍ବାଇର ଅ‌ନ୍ଧେରୀରେ ସେ ୨୦୨୧ ମସିହାରେ ଅମିତାଭ ବଚ୍ଚନଙ୍କ ଡୁପ୍ଲେକ୍ସ ଘରକୁ ଭଡ଼ାରେ ନେଇଛନ୍ତି।

www.google.com

ମିଡିଆ ରିପୋର୍ଟ ଅନୁଯାୟୀ  ବିଗ୍‌ ବିଙ୍କର ଏହି ଘରର ଭଡ଼ା ୨ ବର୍ଷ ପାଇଁ ମାସକୁ ୧୦ ଲକ୍ଷ ଲେଖାଏ। ପଶ୍ଚିମ ଅନ୍ଧେରୀର ଲୋଖେଣ୍ଡୱାଲା ରୋଡ୍‌ରେ ବିଗ୍‌ ବିଙ୍କର ଏହି ଆପର୍ଟମେଣ୍ଟ୍‌ ରହିଛି।

ଉଲ୍ଲେଖଯୋଗ୍ୟ, ଭଡ଼ାଟିଆ ହେବା ପୂର୍ବରୁ ବି କ୍ରିତିଙ୍କର ବିଗ୍‌ ବିଙ୍କ ସହ ଉତ୍ତମ ସଂପର୍କ ରହିଛି। କ୍ରିତି ବିଗ୍‌ ବିଙ୍କ ଘରେ ରହିବା ପୂର୍ବରୁ ଇନ୍‌ଷ୍ଟାଗ୍ରାମ୍‌ରେ ନିଜର ଏକ ଫଟୋ ସେୟାର୍‌ କରିଥିଲେ। ସେହି ଫଟୋରେ ବିଗ୍‌ ବି ଏକ କମେଣ୍ଟ୍‌ ଲେଖି ସେ ସମୟରେ ଖୁବ୍‌ ଚର୍ଚ୍ଚିତ ବନିଥିଲେ।