କପିଲ ଶର୍ମାଙ୍କ ସୋ'କୁ ଫେରିବେ କି ସୁନୀଲ ଗ୍ରୋଭର, କଣ କହିଲେ କୃଷ୍ନା ଅଭିଷେକ

ମୁମ୍ବାଇ: ଲୋକପ୍ରିୟ କମେଡି ସୋ' 'ଦି କପିଲ ଶର୍ମା ସୋ'ରୁ ହାସ୍ୟ କଳାକାର ସୁନୀଲ ଗ୍ରୋଭର ବିଦାୟ ନେବାର ଘଟଣାକୁ ୬ ବର୍ଷ ବିତିଗଲାଣି | କିନ୍ତୁ ଏବେ ବି ଦର୍ଶକ ତାଙ୍କୁ ଝୁରୁଛନ୍ତି | ଅନେକ ଦର୍ଶକ ସେ କେବେ ପୁଣି ଏହି ସୋ'କୁ ଫେରିବେ ତାହାକୁ ଅପେକ୍ଷା କରି ରହିଛନ୍ତି | ନିକଟରେ ସୋ'ରେ ସପନା ଭୂମିକାରେ ଅଭିନୟ କରୁଥିବା କୃଷ୍ନା ଅଭିଷେକ ସୋ ଛାଡି ଚାଲିଯାଇଥିଲେ ବି ପୁଣି ଫେରି ଆସିଛନ୍ତି | କୃଷ୍ନାଙ୍କ ପ୍ରତ୍ୟାବର୍ତ୍ତନ ପରେ ପ୍ରଶଂସକମାନେ ବହୁତ ଖୁସି ଅଛନ୍ତି।

ଏଭଳି ପରିସ୍ଥିତିରେ ଏବେ ଲୋକଙ୍କ ମନରେ ପ୍ରଶ୍ନ ଉଠିଛି ଯେ କୃଷ୍ନାଙ୍କ ପରି ସୁନୀଲ ଗ୍ରୋଭର ପୁଣି ଏହି କମେଡି ସୋ'କୁ ଫେରିବେ କି? ତେବେ ଏହି ପ୍ରଶ୍ନର ଏକ ସୁନ୍ଦର ଉତ୍ତର ଦେଇଛନ୍ତି କୃଷ୍ନା | ଆଉ ଏବେ କୃଷ୍ନା ଅଭିଷେକଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ କୃଷ୍ନାଙ୍କୁ ପଚରାଯାଉଛି କି ସୁନୀଲ ଗ୍ରୋଭର ତୁମ ପରି ଫେରିବେ କି? ଏହି ପ୍ରଶ୍ନରେ କୃଷ୍ନା କହିଛନ୍ତି ଯେ, 'ଏହା ତାଙ୍କ ଉପରେ ନିର୍ଭର କରେ | ସୁନୀଲ ଜଣେ ଚମତ୍କାର କଳାକାର, ମୁଁ ସୁନୀଲଙ୍କର ଜଣେ ବଡ଼ ପ୍ରଶଂସକ। ସେ ବହୁତ ଭଲ ପ୍ରଦର୍ଶନ କରନ୍ତି ଏବଂ ଯେତେବେଳେ ଆମେ ସମସ୍ତେ ମଞ୍ଚରେ ରହିବୁ ଏହା ନିଶ୍ଚିତ ଭାବରେ ବହୁତ ମଜାଦାର ହେବ | ଭଗବାନ ଆଶୀର୍ବାଦ କରନ୍ତୁ, ସେହି ଦିନ ଖୁବ ଶୀଘ୍ର ଆସୁ | କୃଷ୍ନା ଅଭିଷେକଙ୍କ ଏହି ଭିଡିଓ ସୋସିଆଲ ମିଡିଆରେ ଏବେ ଘୁରିବୁଲୁଛି ।