ଜୟଲଳିତାଙ୍କ ଜନ୍ମଦିନରେ ହେଲା ଘୋଷଣା, ଏହା ହେବ ବାୟୋପିକ୍ର ନାଁ
ମୁମ୍ବାଇ: ଡିସେମ୍ବର ୫, ୨୦୧୬ରେ ତାମିଲନାଡୁ ରାଜନୀତିରେ କଳା ବାଦଲ ଛାଇ ଯାଇଥିଲା । ଏହି ଦିନ ତାମିଲନାଡୁର ମୁଖ୍ୟମନ୍ତ୍ରୀ ଜେ. ଜୟଲଲିତା ନିଜ ଜନତାଙ୍କୁ ଛାଡ଼ି ଆର ପାରିକୁ ଚାଲି ଯାଇଥିଲେ । ସାରା ରାଜ୍ୟ ନିଜ ଅମ୍ମାଙ୍କୁ ହରାଇ ଲୁହର ସାଗରେ ଭାସି ଯାଇଥିଲା । ତାଙ୍କର ପରଲୋକ ହେବା ପରେ ଅନେକ ଫିଲ୍ମ ନିର୍ମାତା ତାଙ୍କ ଜୀବନୀକୁ ନେଇ ଫିଲ୍ମ ତିଆରି କରିବେ ବୋଲି ଘୋଷଣା କରିଥିଲେ । ସେ ମଧ୍ୟରୁ ଏବେ ଜଣେ ଫିଲ୍ମ ନିର୍ମାତା ବାୟୋପିକ୍ର ନାଁ ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଫେବୃଆରୀ ୨୪ରେ ଜୟଲଳିତାଙ୍କ ୭୧ତମ ଜନ୍ମଜୟନ୍ତୀ ଥିବା ବେଳେ ଏହି ଅବସରରେ ଫିଲ୍ମ ନିର୍ମାତା ଏଏଲ ବିଜୟ ଫିଲ୍ମର ଟାଇଟେଲ ଘୋଷଣା କରିଛନ୍ତି । ଫିଲ୍ମର ନାଁ ‘ଥଲାଇବି’ ହେବ ବୋଲି ଘୋଷଣା କରଛନ୍ତି ଫିଲ୍ମ ନିର୍ମାତା ଏଏଲ ବିଜୟ । ଫିଲ୍ମକୁ ନେଇ ୯ମାସ ହେଲା ରିସର୍ଚ୍ଚ ଚାଲୁଥିବା ବେଳେ ଫିଲ୍ମରେ କିଏ କିଏ ଅଭିନୟ କରିବେ ତାହା ଖୁବ୍ ଶୀଘ୍ର ଜଣା ପଡ଼ିବ ବୋଲି କହିଛନ୍ତି ବିଜୟ । ଫିଲ୍ମଟି ହିନ୍ଦୀ, ତେଲୁଗୁ ଏବଂ ତାମିଲ ଭାଷାରେ ରିଲିଜ୍ ହେବ ।