ଲେଡି ଦବଙ୍ଗ୍ ଦୀପିକା ପାଦୁକୋନ୍ !
ମୁମ୍ବାଇ: ବଲିଉଡ ହିରୋଇନ୍ ଦୀପିକା ପାଦୁକୋନ୍ ଗତ କିଛି ଦିନ ହେବ ସବୁଠୁଁ ବେଶି ଚର୍ଚ୍ଚାରେ ରହିଛନ୍ତି । ସେ ସଞ୍ଜୟ ଲୀଲା ଭଂସାଲୀଙ୍କ ନିର୍ଦ୍ଦେଶିତ ଫିଲ୍ମ ‘ପଦ୍ମାବତ୍’ ପାଇଁ ତ ଚର୍ଚ୍ଚାରେ ଅଛନ୍ତି । ବିଶେଷ କରି ଏହାକୁ ନେଇ ବିବାଦ ଉପୁଜିବା ପରେ ଦୀପିକାଙ୍କୁ ନେଇ ବି ଆଲୋଚନା ସୃଷ୍ଟି ହୋଇଥିଲା ।
ହେଲେ ଏବେ ସେ ଅନ୍ୟ ଏକ କାରଣରୁ ପୁଣି ଚର୍ଚ୍ଚିତ ଅଛନ୍ତି । ତାହା ହେଲା ଦୀପିକା ପାଦୁକୋନ୍ ମୁମ୍ବାଇର ବିଭିନ୍ନ ଅଞ୍ଚଳରେ ବୁଲୁୂଛନ୍ତି । ତା’ପୁଣି ଗ୍ଲାମରସ୍ ଲୁକ୍ରେ ନୁହେଁ, ବରଂ ପୁଲିସ ଗେଟଅପ୍ରେ । ତାଙ୍କୁ ମୁମ୍ବାଇ ଏୟାରପୋର୍ଟ ସାମ୍ନାରେ ଖାକି ପ୍ୟାଣ୍ଟ ଓ ଧଳା ସାର୍ଟ ପିନ୍ଧା ପୁଲିସ ଅଫିସର ଡ୍ରେସରେ ଦେଖିବାକୁ ମିଳିଥିଲା । ସେ ପୁଲିସ ଜିପ୍ ଉପରେ ବସିଛନ୍ତି । ଆଖିରେ କଳା ଚଷମା ଓ ପାଦରେ କଳା ଜୋତା ପିନ୍ଧିଛନ୍ତି । ତାଙ୍କର ବିନ୍ଦାସ୍ ଷ୍ଟାଇଲ୍ ଦେଖିଲେ ଲାଗୁଥିଲା, ସତେ ଯେମିତି ସେ ଜଣେ ଦବଙ୍ଗ।
Sambad is now on WhatsApp
Join and get latest news updates delivered to you via WhatsApp
ଦୀପିକା ପାଦୁକୋନଙ୍କ ତଳେ ଜଣେ ଯୁବକ ତାଙ୍କ ଉପରେ ଛତା ଧରି ଠିଆ ହୋଇଥିବାର ମଧ୍ୟ ଦେଖିବାକୁ ମିଳିଛି । ଆଗ ପଛରେ କିଛି ପୁଲିସ କନେଷ୍ଟବଲ୍ ଅଛନ୍ତି । ଜଣାପଡ଼ୁଥିଲା, ସତେ ଯେମିତି ସେ ବଦମାସ, ଗୁଣ୍ଡାମାନଙ୍କୁ ସାବାଡ କରିବା ପାଇଁ ଏଭଳି ନୂଆ ଅବତାର ନେଇଛନ୍ତି । ସଲମାନ୍ ଖାନ୍ ‘ ଦବଙ୍ଗ’ ରେ ଯେଉଁ ଭଳି ନିଜର ଗେଟ୍ଅପ ଲାଗି ଚର୍ଚ୍ଚିତ ହୋଇଥିଲେ ଦୀପିକା ପାଦୁକୋନ୍ ତାଙ୍କର ଏହି ନୂଆ ଅବତାର ପାଇଁ ଠିକ୍ ସେହିଭଳି ଚର୍ଚ୍ଚାର ବିଷୟ ହୋଇଛନ୍ତି । ଖାଲି ସେତିକି ନୁହେଁ ଦୀପିକା ଏହି ନୂଆ ଅବତାରରେ ମୁମ୍ବାଇର ବିଭିନ୍ନ ଅଞ୍ଚଳରେ ବୁଲୁଥିବାର ବି ଦେଖିବାକୁ ମିଳୁଥିଲା ।
ତେବେ ଏହା କେଉଁ ଫିଲ୍ମର ପ୍ରମୋସନ ପାଇଁ କି ସୁଟ୍ ପାଇଁ ଦୀପିକା ଏଭଳି କରିଛନ୍ତି, ତାହା ସଠିକ୍ ଜଣାପଡ଼ିନି । କିନ୍ତୁ ଦୀପିକା ପାଦୁକୋନ୍ ପ୍ରଖ୍ୟାତ ନିର୍ଦ୍ଦେଶକ ବିଶାଲ ଭରଦ୍ୱାଜଙ୍କ ଅପ୍କମିଂ ଫିଲ୍ମରେ ସପନ୍ ବିବି ଭୂମିକାରେ ଅଭିନୟ କରୁଛନ୍ତି, ଯେଉଁଥିରେ ଜଣେ ଦବଙ୍ଗ ଲେଡି ପୁଲିସ ଅଫିସର ଭାବେ ନଜର ଆସିବେ । ଏହି ଫିଲ୍ମରେ ପ୍ରତିଭାବାନ୍ ଅଭିନେତା ଇରଫାନ୍ ଖାନ୍ ଅଛନ୍ତି ମେଲ୍ ଲିଡ୍ରେ । ଏହି ଫିଲ୍ମ ପାଇଁ ବୋଧେ ଏପରି କରିଛନ୍ତି ଦୀପିକା ବୋଲି ଚର୍ଚ୍ଚା ହେଉଛି । ଏଠାରେ ସୂଚନାଯୋଗ୍ୟ ଯେ ଦୀପିକା ପାଦୁକୋନ୍ଙ୍କ ଅଭିନୀତ ‘ପଦ୍ମାବତ୍’ ଜାନୁଆରି ୨୫ ତାରିଖରେ ରିଲିଜ୍ ହେବ। ଏହାର ଅନ୍ୟ କଳାକାରମାନେ ହେଲେ ରଣବୀର ସିଂହ ଏବଂ ଶାହିଦ୍ କପୁର।