ମଲାଇକାଙ୍କ ସଉତୁଣୀ
ଅଜୟ ବହଲ୍ଙ୍କ ନୂଆ ଫିଲ୍ମ ‘ଲେଡି କିଲର୍’ର ପ୍ରେମୀଯୋଡ଼ି ଅର୍ଜୁନ କପୁର ଓ ଭୂମି ପେଦନେକର ହିମାଚଳ ପ୍ରଦେଶରେ ସୁଟିଂସେଟ୍ରେ ପ୍ରାୟ ଦେଢ଼ମାସ ବିତେଇଲେଣି। ସିନେମାର ଦୃଶ୍ୟାୟନ ବ୍ୟତୀତ ଉଭୟ ଅର୍ଜୁନ ଓ ଭୂମି ବ୍ୟକ୍ତିଗତ ଭାବେ କିଛି ଫଟୋ ଓ ଭିଡିଓ ସୁଟ୍ କରି ସୋସିଆଲ୍ ମିଡିଆରେ ପୋଷ୍ଟ କରିବା ପରେ ଏସବୁ ଭାଇରାଲ୍ ହେଉଛି। ଏ ଦୁହିଙ୍କ କେମିଷ୍ଟ୍ରି କମ୍ବିନେସନ୍ ଅନେକଙ୍କୁ ଆକୃଷ୍ଟ କରିଛି। ଉଭୟଙ୍କ ପ୍ରଶଂସକମାନେ କମ୍ପ୍ଲିମେଣ୍ଟ କରିଛନ୍ତି। ଏମାନଙ୍କ ମଧ୍ୟରେ ଭୂମିଙ୍କ ଭଉଣୀ ସମୀକ୍ଷା ଓ ଅର୍ଜୁନଙ୍କ ଭଉଣୀ ଅଂଶୁୁଳା ଯଥାକ୍ରମେ ଲେଖିଛନ୍ତି ‘ଦୁଇଟି ସୁନ୍ଦର ହୃଦୟ ଏକାଠି’ ଏବଂ ‘ଓଃ ଯୋଡ଼ି ସୁନ୍ଦର’। ଆଉ କେତେକ ଫଟୋ ତଳେ ଚକିତ ଓ କୌତୂହଳପ୍ରଦ କଥା ଲେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
କିଏ କହିଛି ଅର୍ଜୁନ ଯଦି ଭୂମିଙ୍କ ସହ ଏଭଳି କ୍ଲୋଜ୍ ପୋଜ୍ର କମ୍ପୋଜ୍ ଦେବେ ତେବେ ମଲାଇକାଙ୍କ ପ୍ରତିକ୍ରିୟା କ’ଣ ରହିବ? ଅନ୍ୟ ଜଣେ ଲେଖିଛନ୍ତି-ଏହା ଦେଖିବା ପରେ ମଲାଇକା ନିଶ୍ଚିତ ଅର୍ଜୁନ ଓ ଭୂମି ରହୁଥିବା ଲୋକେସନ୍ ଅନ୍ବେଷଣ କରୁଥିବେ, ଆଉ ଅର୍ଜୁନଙ୍କ ସହ ସଉତୁଣୀ ଭୂମିଙ୍କୁ ଅସଂଯତ ଅବସ୍ଥାରେ ଦେଖିଲେ କଞ୍ଚା ଖାଇଯିବେ।